ÍSÍ kynnti nýjan launasjóð

Henry Birgir Gunnarsson skrifar 1. desember 2025 15:43

Kristín Birna Ólafsson, afreksstjóri Afreksmiðstöðvar Íslands, kynnir verkefnið í dag. mynd/ísí

Stórt skref var stigið hjá ÍSÍ í dag er launasjóður íþróttafólks var kynntur. Í fyrsta sinn mun afreksfólk fá laun fyrir að starfa sem íþróttamaður.

Lengi hefur verið beðið eftir þessu útspili ÍSÍ og það mun létta afreksíþróttafólki að stunda sína íþrótt af krafti og það nýtur líka réttinda sem ekki voru áður til staðar.

Alls eru 38 íþróttamenn á launum hjá launasjóðnum. Flestir fá úthlutað til eins árs en mögulegir Ólympíufarar árið 2026 fá úthlutað fram yfir leikana.

Eygló Fanndal Sturludóttir afrekíþróttakona vildi þakka forverum sínum fyrir sitt framlag.

„Þetta er ótrúlega stór dagur og mig persónulega langar að þakka öllu íþróttafólkinu sem kom á undan okkur og vann að þessu og gerði þetta að veruleika svo við fáum að njóta þess í dag. Ég held ég geti þakkað þeim fyrir hönd okkar allra. Ég er mjög spennt fyrir komandi tímum og ég ætla að nýta þetta til að ná sem bestum árangri komast eins langt og ég get,“ segir Eygló í tilkynningu frá ÍSÍ og Kristín Birna Ólafsdóttir, afreksstjóri Afreksmiðstöðvar Íslands, segir í sömu yfirlýsingu.

„Þetta eru stór tímamót að geta greitt íþróttafólki laun. Íþróttafólk leggur mikið á sig til að vera í fremstu röð og við erum mjög ánægð að geta stutt við þeirra árangur með þessum hætti.“

Þessi eru á launum hjá nýja launasjóðnum:

Dansíþróttasambandið:

Nocolo Barbizi og Sara Rós Jakobsdóttir

Nikita Bazev og Hanna Rún Bazev Óladóttir

Frjálsíþróttasambandið:

Guðrún Karítas Hallgrímsdóttir

Daníel Ingi Egilsson

Sindri Hrafn Guðmundsson

Erna Sóley Gunnarsdóttir

Guðni Valur Guðnason

Hilmar Örn Jónsson

Fimleikasambandið: