Dag­skráin í dag: Ís­lendingar spila jólabolta á Eng­landi

Enska B-deildin

Enska B-deildin rúllar á Sýn Sport Viaplay í allan dag. Í hádeginu eru þeir Alfons Sampsted og Willum Þór Willumsson í eldlínunni er Birmingham mætir Derby County klukkan 12:25 á Sýn Sport Viaplay.

Um miðjan dag er félagi þeirra í landsliðinu Andri Lucas Guðjohnsen í liði Blackburn sem sækir Middlesbrough heim á Riverside-völlinn. Það er klukkan 14:55 á Sýn Sport Viaplay.

Þriðji leikur dagsins er seinni partinn. Hollywood-lið Wrexham mætir Sheffield United klukkan 17:25 á Sýn Sport Viaplay.

Enska úrvalsdeildin

Einn leikur er á dagskrá í ensku úrvalsdeildinni og það er alvöru leikur. Manchester United mætir Newcastle United á Old Trafford undir ljósunum á föstudagskvöldi.

Bein útsending hefst klukkan 19:40 á Sýn Sport.