Innlent

Kveðst hlakka til að mæta aftur til starfa

Atli Ísleifsson skrifar
Guðmundur Ingi Kristinsson fór í veikindaleyfi fyrir tæpum mánuði.
Guðmundur Ingi Kristinsson fór í veikindaleyfi fyrir tæpum mánuði. Vísir/Ívar Fannar

Guðmundur Ingi Kristinsson, mennta- og barnamálaráðherra, segir að hjartaaðgerð sem hann gekkst undir fyrir jól hafi tekist afar vel og að endurhæfing sé nú hafin af fullum krafti. Hann segist hlakka til að mæta aftur til starfa þegar hann hafi náð sér á fullu.

Frá þessu greindi Guðmundur Ingi í færslu á Facebook á síðasta degi nýliðins árs.

Sagt var frá því 9. desember síðastliðinn að Guðmundur Ingi væri kominn í veikindaleyfi þar sem hann þyrfti að gangast undir hjartaaðgerð. Á sama tíma var tilkynnt að Eyjólfur Ármannsson innviðaráðherra myndi tímabundið gegna starfi mennta- og barnamálaráðherra, en þar sem hann fór svo skömmu síðar í feðraorlof tók Inga Sæland, formaður Flokks fólksins og félags- og húsnæðismálaráðherra, tímabundið við ráðuneytum bæði Eyjólfs og Guðmundar Inga.

Guðmundur Ingi gekkst undir hjartaaðgerðina 18. desember síðastliðinn. Í færslu sinni í gær segist hann óska öllum gleðilegrar hátíðar og þakka fyrir ánægjuleg samskipti og góð kynni á árinu sem var að líða.

„Ég vil jafnframt færa ykkur innilegar þakkir fyrir hlýjar stuðnings- og batakveðjur; þær hafa skipt mig miklu máli og verið mér sannarleg hvatning.

Aðgerðin tókst afar vel og endurhæfing er nú hafin af fullum krafti. Ég horfi bjartsýnn til komandi tíma og hlakka til að mæta aftur til starfa þegar ég hef náð mér að fullu,“ segir í færslunni.

Guðmundur Ingi tók við ráðherraembætti mennta- og barnamála í mars síðastliðnum í kjölfar afsagnar Ásthildar Lóu Þórsdóttur.

Ríkisstjórn Kristrúnar Frostadóttur Flokkur fólksins

Tengdar fréttir

Óvíst hvort Guðmundur Ingi snúi aftur í ráðuneytið

Óvíst er hvort Guðmundur Ingi Kristinsson menntamálaráðherra muni snúa aftur til starfa í menntamálaráðuneytið eftir að veikindaleyfi hans nú lýkur. Hann er á leið í opna hjartaskurðaðgerð og tíminn þarf að leiða í ljós hvernig bataferli hans verður.

Nýr varaþingmaður stekkur inn í fjarveru Guðmundar Inga

Þóra Gunnlaug Briem tekur sæti sem varamaður á Alþingi í dag sem varaþingmaður Flokks fólksins í fjarveru Guðmundar Inga Kristinssonar, mennta- og barnamálaráðherra. Þóra Gunnlaug er 2. varamaður á lista flokksins í Suðvesturkjördæmi. Samkvæmt dagskrá er gert ráð fyrir að Guðmundur Ingi verði til svara í óundirbúnum fyrirspurnartíma á fimmtudaginn, en nú er ljóst að ráðherrann er kominn í tímabundið veikindaleyfi.

Nýr vara­þing­maður stekkur inn í fjar­veru Guð­mundar Inga

Þóra Gunnlaug Briem tekur sæti sem varamaður á Alþingi í dag sem varaþingmaður Flokks fólksins í fjarveru Guðmundar Inga Kristinssonar, mennta- og barnamálaráðherra. Þóra Gunnlaug er 2. varamaður á lista flokksins í Suðvesturkjördæmi. Samkvæmt dagskrá er gert ráð fyrir að Guðmundur Ingi verði til svara í óundirbúnum fyrirspurnartíma á fimmtudaginn, en nú er ljóst að ráðherrann er kominn í tímabundið veikindaleyfi.

Mest lesið


Fleiri fréttir

Sjá meira


×

Mest lesið