Innlent

Sund­laugum lokað vegna óöruggra að­stæðna

Silja Rún Sigurbjörnsdóttir skrifar
Innilaugin er lokuð vegna bilunar í loftræstikerfinu.
Innilaugin er lokuð vegna bilunar í loftræstikerfinu. Vísir/Arnar

Barna- og innilaug í Sundhöll Reykjavíkur hefur verið lokað vegna bilunar í loftræstingunni. Aðstæðurnar eru ekki taldar öruggar.

Í tilkynningu frá Reykjavíkurborg kemur fram að loftræstingin í gömlu byggingu Sundhallar Reykjavíkur sé biluð. Ekki hefur tekist að finna út hvað olli biluninni.

„Aðstæður eru ekki öruggar, hvorki fyrir gesti né starfsfólk og því verður inni- og barnalaug Sundhallarinnar lokuð þar til loftræstingin er komin í lag,“ segir í tilkynningunni.

Tekið er fram að öll önnur aðstaða sé opin, það er að segja þrír heitir pottar, kaldur pottur, vaðlaug, útilaug, eimbað og sána.

Reykjavík Sundlaugar og baðlón

Mest lesið


Fleiri fréttir

Sjá meira


×

Mest lesið