Einn hand­tekinn fyrir þjófnað í Skeifunni

Þá virðist hafa verið nokkuð um ölvun víða á höfuðborgarsvæðinu í morgun og í dag. Tilkynnt var um sofandi mann í anddyri í fjölbýli í vesturhluta borgarinnar og tilkynnt um ölvaðan einstakling á leið heim úr miðbænum sem „var í tapaðri baráttu við þyngdaraflið“. Samkvæmt dagbók lögreglu var sá þakklátur aðstoð lögreglu.

Einnig var tilkynnt um mann liggjandi á hringtorgi í Hafnarfirði en hann var farinn þegar lögregla kom.

Í Kópavogi var svo tilkynnt um hnupl í matvöruverslun og óskað eftir aðstoð lögreglu við að koma einstakling úr bakaríi.

Þá var einnig tilkynnt um slys þar sem knapi féll af hesti.