Guð­mundur Ingi gefur ekki kost á sér

Frá þessu greinir Guðmundir Ingi í færslu á Facebook. Hann varð varaformaður VG árið 2019, eftir að hafa verið utanþingsráðherra flokksins frá árinu 2017. Hann var kjörinn á þing árið 2021 og sat eitt kjörtímabil.

Svandís Svavarsdóttir, formaður Vinstri grænna, greindi frá því í desember síðastliðnum að hún myndi ekki gefa kost á sér til áframhaldandi formennsku í flokknum. Því er ljóst að mikil endurnýjun mun eiga sér stað í forystu flokksins á komandi landsfundi, sem fer fram í mars.