Fótbolti

Mínútu þögn fyrir leik Ís­lands í Mexíkó

Valur Páll Eiríksson skrifar
Landsliðið mætir Mexíkó í nótt.
Landsliðið mætir Mexíkó í nótt. Mynd/KSÍ

Mínútu þögn verður fyrir leik íslenska karlalandsliðsins í fótbolta gegn Mexíkó sem fram fer í Queretaro klukkan tvö í nótt.

Leikurinn fer fram í skugga átaka milli glæpagengisins CJNG og mexíkóska hersins en herinn felldi foringja samtakanna, El Mencho, á sunnudaginn var.

Fallinna hermanna mexíkóska hersins verður minnst fyrir leik kvöldsins með einnar mínútu þögn eftir því sem fram kemur í yfirlýsingu frá KSÍ til Vísis.

Leikmenn úr Bestu deild karla manna landsliðið sem mætir mexíkósku landsliði sem aðeins telur menn úr þarlendri deild. Margir leikmenn andstæðingsins berjast fyrir sæti í landsliðshópnum fyrir komandi heimsmeistaramót.

Leikurinn hefst klukkan 2:00 í nótt og verður sýndur beint og í opinni dagskrá á Sýn Sport.

Landslið karla í fótbolta Mexíkó

Tengdar fréttir

„Ákváðum að velja sterkasta liðið óháð aldri“

Arnar Gunnlaugsson vonast eftir að fulltrúar Bestu deildar karla sýni sínar bestu hliðar er Ísland mætir Mexíkó í æfingaleik í nótt. Ytri aðstæður hafa verið settar til hliðar og öll einbeiting á leikinn sjálfan.

Þjálfari Mexíkó: „Það verða allir öruggir“

Javier Aguirre, landsliðsþjálfari Mexíkó, segir knattspyrnusamband landsins hafa lofað því að allir verði öruggir er liðið mætir Íslandi í nótt. Óeirðir brutust út í vikunni eftir að yfirmaður alræmdra glæpasamtaka var felldur á sunnudag.

„Ef þú tækir burt vélbyssurnar væri þetta ósköp venjulegt“

Óeirðir í Mexíkó hafa sín áhrif á strákana okkar í fótboltalandsliðinu sem eru staddir þar í landi. Landsliðsþjálfarinn segir stöðuna súrrealíska en allt gangi sinn vanagang, þrátt fyrir aukna öryggisgæslu. Sem stendur á leikurinn að fara fram, en það gæti breyst.

Strákarnir okkar finna vel fyrir þunna loftinu

Íslenska karlalandsliðið í fótbolta þarf ekki bara að glíma við sterkt lið Mexíkó í nótt heldur einnig óvenjulegar aðstæður; þunnt loft og kannski svolítið þrúgandi andrúmsloft.

Staðan í Mexíkó og Bandaríkjunum valdi áhyggjum

Andreas Rettig, framkvæmdastjóri þýska knattspyrnusambandsins, DFB, segir ofbeldisöldu í Guadalajara í Mexíkó ýta undir kvíða fremur en spennu fyrir komandi heimsmeistaramóti í sumar.

Misvísandi fréttir frá Mexíkó

Enn er óvíst hvort landsleikur karlalandsliðs Íslands við Mexíkó þar ytra fari fram á aðfaranótt fimmtudags líkt og til stendur. Einhverjir miðlar segja líklegra en ekki að leiknum verði frestað af öryggisástæðum en aðrir segja leikinn fara fram.

Landsleikur Íslands í Mexíkó í hættu?

Fótboltaleikjum hefur verið frestað í Mexíkó sökum ófremdarástands sem hefur skapast í kjölfar þess að glæpaforinginn El Mencho var skotinn til bana í gær.

Mest lesið


Fleiri fréttir

Sjá meira


×

Mest lesið