Innlent

Á annan tug ferða­langa fastir á Holta­vörðu­heiði

Eiður Þór Árnason skrifar
Frá aðgerðum í Djúpinu í dag.
Frá aðgerðum í Djúpinu í dag. Landsbjörg

Björgunarsveitir hafa verið boðaðar út norðan og sunnan Holtavörðuheiðar vegna á annan tugs ferðalanga sem eru í að minnsta kosti fimm föstum bílum á heiðinni. Þó nokkuð hefur verið um það í dag að björgunarsveitir hafi aðstoðað ferðalanga sem hafi fest bíla sína.

Þetta kemur fram í tilkynningu frá Slysavarnafélaginu Landsbjörg. Ferðalangar í að minnsta kosti tveimur bílum hafi verið í vandræðum á Klettshálsi. Fóru björgunarsveitirnar Heimamenn frá Reykhólum og Lómfell á Brjánslæk þeim til aðstoðar.

Þar að auki voru þó nokkur verkefni á Súðavík fyrir björgunarsveitina Kofra, bæði innan bæjar en líka inn í Djúpi, að sögn Landsbjargar.

Veður fari enn versnandi og nú á suðvesturhorninu. Biðlar Landsbjörg til þeirra sem þurfa að vera á ferðinni að fara ekki vanbúin af stað.

Mest lesið


Fleiri fréttir

Sjá meira


×

Mest lesið