Innlent

Snjó­flóð þveraði veginn þegar opið var fyrir um­ferð

Rafn Ágúst Ragnarsson skrifar
Frá Ólafsfirði. Mynd er úr safni.
Frá Ólafsfirði. Mynd er úr safni. Vísir/Atli

Hættustig hefur verið sett á Flateyrarveg og veginn um Súðavíkurhlíð vegna snjóflóðahættu og óvissustig er víða í gildi. Hættustig er einnig í gildi vegna snjóflóðahættu á Ísafirði og nokkur fjöldi snjóflóða hefur fallið á norðanverðum Vestfjörðum og Tröllaskaga í morgun.

Ólíver Hilmarsson ofanflóðasérfræðingur hjá Veðurstofu Íslands segir atvinnuhúsnæði hafa verið rýmt í Skutulsfirði og að rýming sé enn í gildi á Steinaflötum í Siglufirði. Þó sé búið að opna um Siglufjarðarveg og Ólafsfjarðarveg og moka í gegnum flóðið sem féll á þann fyrrnefnda.

Hættustig er ekki í gildi í þéttbýli. Flóð féll yfir Kleifaveg í Ólafsfirði í morgun og út í sjó.

„Það er leiðindaveður og mikill snjór til fjalla og það mun halda áfram. Það þarf bara að fylgjast vel með,“ segir Ólíver.

Veður Snjóflóð á Íslandi Fjallabyggð Ísafjarðarbær

Mest lesið


Fleiri fréttir

Sjá meira


×

Mest lesið