Vega­gerðin hafnaði til­boði Icelandair í Ísafjarðarflugið

Eyjólfur Ármannsson innviðaráðherra segir áfram stefnt að samkomulagi en tilboð Icelandair hafi verið langt yfir áætlun.

Icelandair var eina félagið sem bauð í flugleiðina milli Reykjavíkur og Ísafjarðar, með tilboð upp á 3,5 milljarða króna niðurgreiðslu næstu fjögur ár. Það var 2,2 milljörðum króna hærra en kostnaðaráætlun Vegagerðar sem hljóðaði upp á 1,3 milljarða króna.

Sjá einnig: Samtal hafið um Ísafjarðarflug

Samkvæmt Eyjólfi eru engar tölur komnar upp á borðið í viðræðunum að svo stöddu. Hann segist enn ákveðinn í því að halda þessari flugleið til Ísafjarðar, eftir að forsvarsmenn Icelandair tilkynntu í fyrra að félagið ætlaði að hætta flugi þangað næsta haust.

Eyjólfur segir að kostnaðurinn skipti þó máli.