Ó­sáttur Verstappen lét reka blaða­mann út: „Hypjaðu þig“

Greint er frá málinu á vef The Athletic í dag en Verstappen sat fyrir svörum á fjölmiðlahittingi á svæði Red Bull Racing liðsins.

Hollendingurinn neitaði hins vegar að taka við spurningum fyrr en blaðamanni  The Guardian yrði vikið af svæðinu. 

 „Er þér alvara? “spurði umræddur blaðamaður og Verstappen svaraði því játandi.

Verstappen greindi frá því að hann væri ósáttur við blaðamanninn vegna spurningar sem hann hafði borið upp eftir lokakappakstur síðasta tímabils í Abu Dhabi þar sem Lando Norris, ökuþór McLaren hafði betur gegn Verstappen og Oscar Piastri í baráttunni um heimsmeistaratitil ökuþóra. 

Spurning blaðamannsins þá sneri hins vegar að spænska kappakstrinum sem hafði farið fram fyrr á tímabilinu og atviks milli Verstappen og George Russel, ökuþórs Mercedes. 

Blaðamaðurinn ákvað að yfirgefa svæðið og í þann mund sem hann var að taka upptökutækisitt af borði sem Verstappen sat við sagði Hollendingurinn: 

„Já. Hypjaðu þig.“