SR Íslandsmeistri kvenna í fyrsta skiptið eftir vítakeppni

SR vann fjórða leikinn á móti Skautafélagi Akureyrar og þar með einvígið 3-1.

Úrslitin í kvöld réðust þó ekki fyrr en í vítakeppni.

Skautafélag Reykjavíkur var í lokaúrslitum kvenna í fyrsta sinn og varð Íslandsmeistari í fyrsta sinn.

Skautafélag Akureyrar vann deildarmeistaratitilinn og hefur því heimaleikjaréttinn. Liðið vann líka fyrsta leikinn í lokaúrslitunum en SR-konur svöruðu með því að vinna þrjá leiki í röð.

Íslandsmeistaratitillinn er því áfram í Reykjavík en Fjölnir vann Skautafélag Akureyrar í úrslitunum tvö síðustu ár, 2024 og 2025.

Skautafélag Akureyrar varð síðast Íslandsmeistari vorið 2023 en þetta var þriðja silfur liðsins í röð.