Innlent

Neitaði að segja til nafns og hafði í hótunum við lög­reglu

Lovísa Arnardóttir skrifar
Lögreglan hafði afskipti af fjölda manns í gær og í nótt. Fjórir gistu í fangageymslu í nótt.
Lögreglan hafði afskipti af fjölda manns í gær og í nótt. Fjórir gistu í fangageymslu í nótt. Vísir/Vilhelm

Einn var handtekinn í hverfi 108 í gærkvöldi eða í nótt fyrir brot á lögreglusamþykkt. Í dagbók lögreglu kemur fram að hann hafi neitað að segja til nafns og hafi svo hótað lögreglu með ofbeldi. Fram kemur í dagbók að fjórir hafi gist í fangageymslu eftir nóttina.

Í dagbókinni kemur einnig fram að tveir hafi verið handteknir í Kópavogi fyrir innbrot og þjófnað og annar þeirra hafi verið kærður fyrir að aka undir áhrifum vímuefna.

Lögreglan hafði afskipti af fleirum vegna aksturs en einn var handtekinn í Mosfellsbæ fyrir að aka undir áhrifum og skráningarmerki voru fjarlægð af bíl í Hafnarfirði og Árbæ í Reykjavík. Þá var einn kærður fyrir að aka án réttinda í hverfi 108.

Lögreglumál Reykjavík Kópavogur

Mest lesið


Fleiri fréttir

Sjá meira


×

Mest lesið