Titillinn blasir við Börsungum

Börsungar hafa þar með nýtt sér það að Real Madrid fékk aðeins eitt stig úr síðustu tveimur leikjum sínum, og eru þeir komnir með níu stiga forskot á toppi spænsku deildarinnar.

Aðeins sjö umferðir eru eftir og því þarf ansi margt að ganga á til þess að Barcelona standi ekki uppi sem Spánarmeistari, annað árið í röð.

Ferran Torres skoraði fyrstu tvö mörkin í dag, á fyrstu 25 mínútunum, en Pol Lozano minnkaði muninn á 56. mínútu.

Spenna var því í leiknum allt þar til á 87. mínútu þegar Lamine Yamal skoraði þriðja mark Börsunga og skömmu síðar bætti Marcus Rashford við fjórða markinu.

Börsungar geta nú einbeitt sér að seinni leiknum við Atlético, á miðvikudaginn í Madrid, þar sem þeir þurfa að vinna upp 2-0 forskot.