Flúði heimili sitt eftir að hafa hótað stofnun

Þetta segir í tilkynningu frá lögreglunni á höfuðborgarsvæðinu en sömuleiðis þurfti stöð þrjú sem sinnir Kópavogi og Breiðholti að aðhafast vegna manns sem hafði haft í „alvarlegum hótunum gegn stofnun í gegnum internetið.“ 

Lögregla hafi farið heim til mannsins og hann þá lagt á flótta. Hann var síðar handtekinn og fluttur á lögreglustöð, að sögn lögreglu.

Einnig var tilkynnt um „ógnandi mann inni á stofnun“ í Árbæ í Reykjavík sem er sagður hafa brotið rúðu og unnið eignarspjöll á bifreiðum. Þegar laganna verðir komu á staðinn var maðurinn horfinn.

Þá voru tveir ökumenn handteknir grunaðir um akstur undir áhrifum. Voru þeir færðir á lögreglustöð í hefðbundið ferli, að því er fram kemur í tilkynningu.