For­múlan snýr aftur til Tyrk­lands

Keppt verður á Istanbul Park-brautinni á næsta tímabili og allavega fram til 2031.

Á árunum 2005-11 var keppt í Tyrklandi og svo aftur 2020-21 á meðan kórónuveirufaraldurinn stóð yfir.

„Formúlan á sér dyggan og ástríðufullan aðdáendahóp fólks á öllum aldri í Tyrklandi, sérstaklega hjá yngri kynslóðinni,“ sagði Recep Tayyip Erdogan Tyrklandsforseti.

„Ég lít á endurkomu Tyrklands í Formúlu 1 sem merki um traustið sem er borið til okkar lands, til skipulagshæfileika okkar, innviða og gestrisni tyrknesku þjóðarinnar.“

Lewis Hamilton tryggði sér sinn sjöunda heimsmeistaratitil með því að vinna keppnina í Tyrklandi tímabilið 2020. Felipe Massa er sigursælastur í Tyrklandskappakstrinum með þrjá sigra en Valtteri Bottas hrósaði sigri síðast þegar keppt var í Tyrklandi (2021).