Leclerc sneggstur á æfingum

Leclerc var 0,164 sekúndu sneggri en Max Verstappen á Red Bull á lokaæfingum ökuþóranna í Flórída-sólinni í dag áður en kemur að tímatöku fyrir sprettkeppni morgundagsins.

Oscar Piastri á McLaren var þriðji og liðsfélagi Leclerc, Lewis Hamilton, fjórði.

Mercedes hefur unnið allar þrjár keppnir tímabilsins til þessa en liðið átti í vandræðum í dag. George Russell var sjötti, 0,79 sekúndum á eftir Leclerc, eftir vélarvandræði en liðsfélagi hans Kimi Antonelli var fimmti og tókst ekki að keyra hring á mjúkum dekkjum líkt og aðrir ökuþórar vegna vélarvandræða á hans bíl.

Tímataka fyrir sprettkeppnina í Miami fer fram í kvöld. Hún hefst klukkan 19:55 á Sýn Sport Viaplay.