Litli bróðir ætlar líka að verða meistari

Kolstad og Bergen höfðu bæði fagnað sigri á útivelli og mættust því í þriðja og síðasta sinn í dag, í Þrándheimi, þar sem Kolstad vann nokkuð örugglega, 38-32, eftir að hafa verið 20-16 yfir í hálfleik.

Sigurjón Guðmundsson stóð fyrir sínu í marki Kosltad og varði níu skot af 34 sem hann fékk á sig, eða 26%. Benedikt Gunnar Óskarsson skoraði svo fjögur mörk fyrir liðið, greinilega staðráðinn í að fagna meistaratitli líkt og stóri bróðir hans, Arnór Snær, gerir þessa daga með félögum sínum í Val. Sigvaldi Björn Guðjónsson var svo með þrjú mörk.

Einvígið um norska meistaratitilinn hefst ekki fyrr en fimmtudaginn 23. maí, í Þrándheimi, og liðin mætast svo aftur í Drammen 27. maí. Kom til oddaleiks verður hann í Þrándheimi 30. maí.