Scheffler aldrei áður verið í toppsætinu eftir fyrsta hring

Scheffler stefnir á að verja sigur sinn á PGA meistaramótinu frá því í fyrra og vinna sinn fimmta risamótstitil á fimm árum. Hann átti fínan fyrsta hring í gær, náði fjórum fuglum á sex holu kafla og skilaði inn skorkorti upp á 67.

„Klárlega besta byrjun sem ég hef átt á þessu ári, fyrir utan American Express mótið kannski. Það eru margir að berjast um toppsætið. Eins og er geta allir unnið enn þá, en það er gott að geta byrjað vel,“ sagði Scheffler eftir hringinn.

Ásamt Scheffler í efsta sætinu, þremur höggum undir pari, eru Aldrich Potgieter, Stephan Jaeger, Min Woo Lee, Ryo Hisatsune, Alex Smalley og fyrrum meistarinn Martin Kaymer.

Aðrir sjö leikmenn eru svo jafnir í öðru sætinu, þeirra á meðal Patrick Reed, Shane Lowry og Xander Schauffele, meistarinn frá 2024.

Jon Rahm og Jordan Spieth eru svo tveir af 33 kylfingum sem kláruðu fyrsta hring á höggi undir pari og sitja jafnir í þriðja sæti.

Stjörnukylfingarnir Rory McIlroy (+4) og Bryson DeChambeau (+6) lentu hins vegar í miklum vandræðum í gær.