Stöku skúr síð­degis sunnan- og vestan­lands

Framan af morgundeginum má búast við svipuðu veðri um allt land, en stöku skúrir munu láta á sér kræla síðdegis sunnan- og vestanlands. Austan og norðaustan 3-8 m/s á morgun og skýjað með köflum og þurrt að kalla, en rigning á austanverðu landinu. Stöku skúrir síðdegis sunnan- og vestanlands.

Veðurútlitið fram yfir miðja vikuna er síðan mjög svipað og líklegt að það verði litlar breytingar fyrr en um næstu helgi.

Nánar um veður á vef Veðurstofunnar og færð vega á vef Vegagerðar. 

Veðurhorfur á landinu næstu daga

Á þriðjudag: Norðaustlæg eða breytileg átt, 3-8 m/s, bjart með köflum og smáskúrir. Þokubakkar við norðaustur- og austurströndina. Hiti 4 til 12 stig.

Á miðvikudag: Hæg norðaustlæg eða breytileg átt. Dálítil rigning eða súld norðaustan- og austantil, en bjartviðri á suðvestanverðu landinu. Hiti 5 til 14 stig, mildast sunnanlands.

Á fimmtudag: Hæg suðaustlæg eða breytileg átt. Skýjað og dálítil rigning, en bjart með köflum og stöku síðdegisskúrir sunnan- og vestanlands. Hiti breytist lítið.

Á föstudag: Austlæg átt með rigningu, en skýjað með köflum og lengst af þurrt norðanlands. Hiti 5 til 15 stig, svalast austast.