Raúl Castro á­kærður fyrir morð í Banda­ríkjunum

Dómsmálið gegn Castro og fimm öðrum Kúbverjum var þingfest fyrir bandarískum dómstólum í gær en flugvélarnar voru í eigu samtakanna Brothers to the Rescue sem eru samtök sem leitast við að bjarga fólki á hafi úti sem hefur reynt að flýja Kúbu. Kúbverski herinn skaut vélarnar niður og voru þrír Bandaríkjamenn innanborðs.

Raúl Castro sem var þá yfirmaður hersins og varð síðar leiðtogi landsins er nú sakaður um drápin á mönnunum og sagði settur dómsmálaráðherra Bandaríkjanna Todd Blanche, að Bandaríkin gleymi ekki borgurum sínum. Castro, sem er bróðir byltingarleiðtogans Fídels, er nú orðinn níutíu og fjögurra ára að aldri og að mestu horfinn úr sviðsljósinu.

Núverandi forseti Kúbu, Miguel Díaz-Canel,  vísaði ásökununum á bug og kallaði þær pólitíska stæla sem væru án lagastoðar.

Þrýstingur Bandaríkjamanna á Kúbu hefur aukist verulega síðan þeir réðust inn í Venesúela og handtóku Nicolás Maduro forseta og fluttu til Bandaríkjanna þar sem hann sætir ákæru. 

Í framhaldinu skrúfaðist nær algerlega fyrir olíuflutninga til Kúbu sem hefur gert eyjarskeggjum mjög erfitt fyrir síðustu mánuði.