Ás­laug lék eftir útskriftarpósu móður sinnar

„Þegar ég keypti þetta hvíta dress fyrir útskriftina mína hafði ég enga hugmynd um hverju móðir mín hafði klæðst undir skykkjunni sinni fyrir 40 árum fyrr en faðir minn sendi mér þessa mynd… svo augljóslega ákvað ég að taka eina eins mynd,“ skrifar Áslaug á Instagram og birtir myndir af sér í stíl við umræddar myndir af móður sinni.

Móðir Áslaugar, Kristín Steinarsdóttir, lést árið 2012. Áslaug og bróðir hennar, Magnús Sigurbjörnsson, opnuðu sig um missinn í viðtali árið 2020.

Í annarri færslu á Instagram sem Áslaug birti fyrir helgi sagði hún að ákvörðunin að fara út í nám hafi verið innblásin af námsárum móður hennar.

„Þegar ég var að alast upp heyrði ég oft móður mína tala um hversu mikil áhrif árin sem hún stundaði meistaranám í Bandaríkjunum hefðu haft. Eftir að hún lést bar ég ávallt þessa hugmynd í brjósti mér. Einn daginn langaði mig að feta í hennar fótspor og stunda nám á erlendri grundu. En pólitískur ferill minn tók hröðum breytingum, rétta augnablikið virtist aldrei ætla að koma… þangað til í fyrra,“ sagði hún.

Áslaug, sem hefur verið í leyfi frá þingstörfum meðan á náminu stendur, hefur boðað endurkomu sína á Alþingi.