Grikkir gerðu Svíum grikk á lokasekúndum leiksins

Svíar vildu svara fyrir skellinn gegn Dönum um daginn en tókst ekki að fagna sigri í kvöld.

Leikurinn byrjaði illa fyrir heimamenn í Svíþjóð og Grikkland tók forystuna eftir aðeins tíu mínútur. Fyrrum Liverpool-maðurinn Kostas Tsimikas var þar á ferð með fínt skot rétt fyrir utan teig.

Svíar náðu að snúa spilinu við í seinni hálfleik.

Viktor Gyökeres jafnaði leikinn beint úr aukaspyrnu en boltinn fór af varnarveggnum í netið. Gustaf Nilsson tók síðan forystuna fyrir Svíþjóð á 69 mínútu.

Þegar Svíar héldu að sigurinn væri í höfn náðu Grikkir að gera þeim grikk. Giorgos Masouras skorað sigurmarkið í síðustu sókn leiksins gegn steinsofandi varnarmönnum Svía.

2-2 jafntefli varð því niðurstaðan í síðasta æfingaleik Svíþjóðar fyrir HM.

Svíþjóð verður með Túnis, Hollandi og Japan í riðli. Grikkland fer ekki á mótið.