250 skjálftar en enginn gos­ó­rói að svo stöddu

Tveir mældust í Bárðarbungu upp úr klukkan átta í gærkvöldi að stærð 2,6 og 4,8. Skjálftar af þessari stærð sjást nokkuð reglulega í Bárðarbungu, að sögn Veðurstofunnar. En sá seinni, sem varð klukkan 20:14, hrundi af stað ákafri jarðskjálftahrinu er fram kemur í tilkynningum frá náttúruvárvakt Veðurstofu Íslands.

Þar segir einnig að hrinan sé ein sú kröftugasta á svæðinu síðan síðustu eldsbrot urðu í Bárðarbungu en Bárðarbunga er megineldstöð sem liggur undir Vatnajökli og hafa minnst 26 eldgos orðið þar á síðustu ellefu öldum, samkvæmt hinni íslensku eldfjallavefsjá. Síðast var þar sprungugos í Holuhrauni norðan Vatnajökuls sem stóð yfir frá ágúst 2014 til febrúar 2015.

Virknin svipar, að því er segir í tilkynningunni, til jarðskjálftahrinu sem varð í öskjunni í janúar á síðasta ári en svo virðist sem núverandi virkni sé kröftugri. Fluglitakóði fyrir Bárðarbungu hefur verið færður á gulan en það er gert þegar eldstöðvar sýna merki um virkni sem er metin umfram venjulegt ástand.