Stór­stjörnur hætta með lands­liðinu eftir að hafa dottið út af HM

Arnautovic og Austurríki töpuðu 3–0 fyrir Spáni og duttu út en Alsír þurfti einnig að halda heim á leið eftir 2–0 tap gegn Sviss.

Hinn 35 ára gamli Mahrez, með glæstan feril hjá Manchester City, spilar dags daglega með Al Ahli í Sádi-Arabíu.

Hann hefur meðal annars unnið Afríkukeppnina árið 2019, en sama ár var hann valinn besti leikmaður Afríku.

Mahrez endaði landsliðsferil sinn með 40 mörk í 119 landsleikjum, aðeins sex mörkum frá alsírska markametinu og þremur leikjum frá leikjameti Aissa Mandi sem er reyndar enn að spila.

Hinn 37 ára gamli Arnautovic spilar fyrir Rauðu stjörnuna í Serbíu, en þangað kom hann frá Inter síðasta haust.

Austurríkismaðurinn er markahæsti leikmaður austurríska karlalandsliðsins frá upphafi með 49 mörk í 137 landsleikjum.

Báðir skoruðu þeir Mahrez og Arnautovic í 3-3 jafntefli Alsír og Austurríkis í riðlakeppni HM en þeir enduðu keppnina með tvö mörk hvor.