Flóka saknað og grunur um þjófnað

Staðarmiðill Þýskalandsmegin landamæranna fjallar um málið. Hinn bleikblesótti, sokkótti Flóki hefur um eitthvert skeið verið hafður í hesthúsi á afrétti í Puittal í nágrenni Leutasch við mörk Tírols og Bæjaralands. Helgina 27.-29. júní hvarf hann hins vegar sporlaust.

Lögreglan í Tírol telur að Flóka hafi verið stolið og rannsókn stendur yfir. Hvers vegna einhverjum dytti í hug að stela Flóka er eigendum hans algjörlega hulin. Dóttir eigendanna segir fjölskylduna hafa verið á fjöllum að leita hans sex til átta tíma á dag síðastliðnar tvær vikur en ekkert fundið.

Lisi Gugler, dóttir eigenda Flóka, segist telja slys hafi orðið. Afrétturinn þar sem Flóki dvaldi er afgirtur en þó eru skemmdir á girðingunni sem Flóki hefði getað sloppið um.

„Það er mögulegt að hann hafi horfið upp á eigin spýtur. Hamrarnir eru þverhníptir,“ segir hún í samtali við Tiroler Tageszeitung.

Fjölskyldan heldur enn í vonina um að Flóki finnist á lífi og hafa brýnt til fjallgöngugarpa, veiðimanna og ferðamanna á svæðinu að hafa augun opin.

„Við söknum trygga vinar okkar svo mjög og yrðum þakklát allri hjálp,“ segir Gugler.