Inn­kalla tengiltvinnbíla vegna eld­hættu

Í tilkynningu á vef Vöruvaktarinnar, nýlegs miðlægs vettvangs upplýsingamiðlunar til neytenda, segir að innköllunin nái til eftirfarandi ökutækja:

• Jeep Wrangler 4xe, árgerðir 2020–2025
• Jeep Grand Cherokee 4xe, árgerðir 2022–2026

Samkvæmt vef Samgöngustofu eru 130 slíkir bílar á götum landsins.

Framleiðandi ökutækjanna, Stellantis, vinni að lausn málsins. Eigendur verði upplýstir þegar hægt verður að bóka ökutækin í viðgerð.

Eigendum sé ráðlagt að hlaða bílana ekki fyrr en viðgerð hefur farið fram og notast meira við bensín til aksturs en eldhætta minnki eftir því sem hleðslustaða rafhlöðunnar lækkar. Jafnframt sé þeim ráðlagt að leggja ökutækjunum utandyra og fjarri byggingum.

Eigendur séu hvattir til að fylgja leiðbeiningum framleiðanda þegar þær berast.

Eigendur ökutækja sem flutt hafa verið inn til landsins utan umboðs séy hvattir til að hafa samband við Ísband til að kanna hvort innköllunin nái til ökutækja þeirra og fá upplýsingar um næstu skref. HMS hvetji eigendur slíkra bíla að hafa samband við Ísband til að sjá hvort innköllunin nái til þeirra.