Starbucks kemur í stað Kaffi­társ

Kaffihúsið verður það stærsta af Starbucks-kaffihúsunum á Íslandi en þegar eru tvö slík í miðborg Reykjavíkur, á Laugavegi og Geirsgötu. Rýmið verður 135 fermetrar og er fyrir framan verslanir Hagkaups, Epal og Meba.

Kaffitár var áður með kaffihús sitt á þessum stað en síðustu kaffihúsum fyrirtækisins var lokað í lok maí. 

„Með komu Starbucks í Kringluna bætist enn einn spennandi valkosturinn við þá öflugu flóru kaffihúsa og veitingastaða sem fyrir eru í Kringlunni, þar á meðal á Kúmen, upplifunar- og mathöllinni okkar. Starbucks er alþjóðlegt vörumerki sem leggur sérstaka áherslu á kaffi og tengsl milli fólks. Þau gildi falla vel að okkar eigin gildum og við hlökkum mikið til að bjóða gestum Kringlunnar upp á þessa viðbót,“ er haft eftir Ingu Rut Jónsdóttur, framkvæmdastjóra Kringlunnar, í fréttatilkynningu.

Berjaya Coffe Iceland ehf., dótturfélag Berjaya Food International, sér um rekstur Starbucks á Íslandi.