Myndaveisla frá endur­komu Söru Bjarkar

Hulda Margrét Óladóttir, ljósmyndari Vísis, var á Ásvöllum í kvöld og tók myndirnar sem fylgja fréttinni.

Eftir að hafa leikið í atvinnumennsku erlendis síðan 2011 skrifaði Sara Björk undir tveggja ára samning við Hauka í byrjun júní.

Hún mátti loks leika með Haukum í kvöld en það var fyrsti leikur hennar fyrir Hafnarfjarðarliðið síðan 29. júlí 2008. Haukar töpuðu þá 0-2 fyrir ÍBV í A-riðli 1. deildar. Elísa Viðarsdóttir, sem lék lengi með Söru Björk í landsliðinu, skoraði annað mark Eyjakvenna í leiknum.

Haukar hafa tapað þremur leikjum í röð og eru í 4. sæti Lengjudeildarinnar með sautján stig, fimm stigum frá 2. sætinu. Tvö efstu lið deildarinnar komast upp í Bestu deildina.

Næsti leikur Hauka er gegn ÍA á heimavelli á þriðjudaginn kemur.