Þrótti mis­tókst að fara á toppinn

Það voru Vestramenn sem átti betri byrjun á leiknum  gegn Njarðvík þegar að Johannes Selvén kom þeim yfir með marki strax á fyrstu mínútunni. 

Njarðvíkingar, sem spila undir stjórn Davíðs Smára Lamude sem gerði Vestra að bikarmeisturum í fyrsta sinn á síðasta tímabili, náðu hins vegar að svara fyrir sig skömmu fyrir lok fyrri hálfleiks með marki frá Valdimar Jóhannssyni. 

Njarðvíkingar voru betri aðilinn í leiknum og tvö mörk fra Omar Diouck í seinni hálfleik innsigluðu 3-1 sigur liðsins. 

Mikilvægur sigur Njarðvíkinga sem eru komnir upp í fjórða sæti deildarinnar og eru í harðri baráttu um umspilssæti. Vestramenn eru hins vegar í vondum málum, hafa tapað fjórum leikjun í röð og verma áttunda sæti. 

Á sama tíma tapaði Þróttur mikilvægum stigum í toppbaráttunni með jafntefli gegn Gróttu á útivelli.

Mattías Kjeld kom Gróttu yfir með marki úr vítaspyrnu í fyrri hálfleik en Þrótti tókst að finna jöfnunarmark í þeim seinni frá Kára Kristjánssyni.

Lokatölur 1-1 jafntefli. Þróttur er í 2. sæti Lengjudeildarinnar með sama stigafjölda og topplið Aftureldingar en verra markahlutfall. Grótta er í sjötta sæti í baráttu um að komast í umspil.