Hættu við að taka á loft vegna fugls sem hafnaði á vélinni

Vélin átti að fljúga frá Reykjavík til Egilsstaða.

„Það lenti fugl á vélinni rétt fyrir flugtak. Því var, í öryggisskyni, hætt við flugtak. Það er verið að skoða vélina. Því verður skipt um vél, og það er komið nýtt flug,“ segir Ásdís Ýr Pétursdóttir, forstöðumaður samskipta hjá Icelandair, segir í samtali við fréttastofu.

„Þegar svona gerist, þá er það bara verklag, þá er hætt við flugtakið. Það þarf að skoða hvort einhverjar skemmdir hafi orðið á vélinni.“

Ásdís segir nákvæma tímasetningu á nýja fluginu ekki liggja nákvæmlega fyrir, en samkvæmt vef Isavia fer sú vél í loftið klukkan 20:50, en það jafngildir um tveggja og hálfs tíma seinkunn.

Samkvæmt ábendingu sem fréttastofu barst um málið var það gæsahópur sem flaug í veg fyrir vélina, í annan hreyfilinn. Þá fylgdi lýsingunni að vélin hafi nelgt niður í flugtakinu.