Strákarnir réðu ekki við Finnana

Finnarnir voru með fín tök á leiknum nánast allan leikinn og að lokum var 15 stiga tap niðurstaðan.

Tryggvi Snær Hlinason var stigahæstur Íslands í kvöld með 13 stig og tók sjö fráköst.

Kári Jónsson gerði 12 stig fyrir íslenska liðið en það gerðu þeir Kristinn Pálsson og Styrmir Snær Þrastarson líka. Bragi Guðmundsson gerði níu stig á þeim tæplega níu mínútum sem hann spilaði í kvöld. 

Bjarni Guðmann Jónsson gerði sjö á jafnmörgum mínútum. Martin Hermannsson lék ekki með íslenska liðinu í kvöld. 

Næst fer liðið til Belgrad í Serbíu þar sem næsti fasi undankeppni HM 2027 heldur áfram. Þar mætir liðið Serbíu föstudaginn 28. ágúst, kemur svo heim og spilar við Tyrki í Laugardalshöll mánudaginn 31. ágúst.