Innlent

Halla verður við­stödd út­för Haraldar

Áróra L Davíðsdóttir skrifar
Halla Tómasdóttir minntist Haraldar á dögunum eftir andlát hans og sagði hann hafa verið hlýjan mann með góða kímnigáfu.
Halla Tómasdóttir minntist Haraldar á dögunum eftir andlát hans og sagði hann hafa verið hlýjan mann með góða kímnigáfu. Vísir/Vilhelm

Halla Tómasdóttir forseti Íslands og Björn Skúlason eiginmaður hennar halda til Noregs í næstu viku og verða viðstödd jarðarför Haraldar fimmta Noregskonungs. Haraldur lést á föstudaginn í síðustu viku, 89 ára að aldri.

Haraldur Noregskonungur verður jarðsunginn í dómkirkju Óslóar þann 9. september klukkan eitt að staðartíma. Alþingi verður sett á þann 8. september. Forseti Íslands mun setja þingið venju samkvæmt og heldur Halla til Noregs, ásamt Birni, eftir þingsetningu.

Auk Höllu verða ýmsir þjóðarleiðtogar viðstaddir útförina, meðal annars Frank-Walter Steinmeier forseti Þýskalands, konungshjón Danmerkur og konungshjón Hollands.

Kista konungs verður fyrst flutt úr sal konungshallarinnar yfir í kapellu hallarinnar þar sem almenningur getur komið og vottað virðingu sína.

Sjá einnig: Haraldur Noregs­konungur jarð­sunginn 9. septem­ber

Þaðan heldur hún svo í dómkirkju Óslóar þar sem sjálf athöfnin fer fram. Eftir hana verður kistan flutt til kirkjunnar í Akurshúskastala þar sem fjölskyldan heldur minningarstund og verður hann lagður til hinstu hvílu í konunglegu grafarhvelfingunni.

Hákon áttundi Noregskonungur sór í dag embættiseið á norska Stórþinginu og varð því formlega þjóðarleiðtogi Noregs.

Noregur Haraldur V Noregskonungur Hákon VIII Noregskonungur Forseti Íslands

Mest lesið


Fleiri fréttir

Sjá meira


×

Mest lesið