Viktor og Janus fengu silfur á HM eftir að gamall fé­lagi stal senunni

Veszprém vann stórsigur í úrslitaleiknum, 42-33, og var danski landsliðsmarkvörðurinn Emil Nielsen valinn maður leiksins en hann varði 12 af 42 skotum sem hann fékk á sig, samkvæmt leikskýrslu IHF.

Nielsen fór frá Barcelona til Veszprém í sumar og reyndist sínum gömlu liðsfélögum erfiður. Hann var svo valinn mikilvægasti maður mótsins.

Viktor Gísli deilir nú markvarðarstöðunni með spænska landsliðsmarkverðinum Sergey Hernández og áttu þeir svipaða frammistöðu í gær. Viktor Gísli varði 4 af 23 skotum, eða 17%, á meðan að Hernández varði 4 af 25 skotum sem hann fékk á sig, eða 16%.

Janus Daði kom til Barcelona í sumar frá erkifjendum Veszprém í Pick Szeged og átti tvö skot í leiknum en skoraði ekki.

Franski hornamaðurinn Hugo Descat var markahæstur í leiknum með tíu mörk úr ellefu skotum og Nedim Remili skoraði átta mörk. Hjá Börsungum var Timothey N‘Guessan markahæstur með níu mörk úr þrettán skotum.

Descat endaði markahæstur á mótinu með 35 mörk en þeir Nielsen voru hins vegar ekki valdir í stjörnulið mótsins. Hefð er fyrir því í handboltanum að mikilvægasti leikmaðurinn sé ekki líka í stjörnuliðinu og var kollegi Viktors Gísla, Hernández, valinn sem markvörður í stjörnuliðið.

Stjörnuliðið á HM félagsliða 2026:

• Markvörður: Sergey Hernández Ferrer (FC Barcelona)
• Hægra horn: Yanis Lenne (Veszprém HC)
• Hægri skytta: Youssef Ahmed (Zamalek Club)
• Miðja: Mohamed Hesham (Al Ahly)
• Vinstri skytta: Ahmed Hesham (Veszprém HC)
• Vinstra horn: Ian Barrufet Torrebejano (FC Barcelona)
• Línumaður: Ludovic Fàbregas (FC Barcelona)

Dýrmætasti leikmaður: Emil Nielsen (Veszprém HC)

Markahæstur: Hugo Descat (Veszprém HC) – 35 goals