Róltól til sýnis í Kringlunni

Fyrstu GSM farsímarnir sem seldir voru hér á landi árið 1994 eru til sýnis í verslun Símans í Kringlunni. Þróun símkerfisins allt til dagsins í dag er sýnd. Það er Síminn og Græn framtíð sem stendur að baki sýningunni.

Ólöglegt að segja einstæðri móður upp

Í Danmörku er ólöglegt að reka konur úr starfi á grundvelli þess að þær eru einstæðar mæður, samkvæmt dómi sem kveðinn var upp nýlega.

Greining Arion banka spáir 3% verðbólgu í október

Greiningardeild Arion banka spáir því að verðlag í október hækki um 0,5%. Gangi spáin eftir mun tólf mánaða verðbólga mælast 3% samanborið við 3,7% í september.

Kauphöllin kynnir nýja vefþjónustu fyrir almenna fjárfesta

NASDAQ OMX hefur tilkynnt um nýja vefþjónustu fyrir almenna fjárfesta sem fylgjast með norræna verðbréfamarkaðnum.

Verðbólgan heldur áfram að hjaðna hérlendis

Verðbólgan hér á landi var 5,1% í september samkvæmt samræmdri vísitölu neysluverðs sem Hagstofa Evrópusambandsins (e. Eurostat) tekur saman og Hagstofa Íslands birti nú í morgun. Minnkar því verðbólgan um 0,8 prósentustig milli mánaða en hún var 5,9% hér á landi í ágúst samkvæmt vísitölunni.

Framleiðendur lúxusvara komnir út úr kreppunni

Lúxusvörur seljast sem aldrei fyrr aðeins ári eftir að margir framleiðendur þessara vara römbuðu á barmi gjaldþrots vegna fjármálakreppunnar.

Arion banka heimilt að auka við eignarhlut sinn í Valitor

Fjármálaeftirlitið (FME) hefur veitt Arion banka heimild til að auka við eignarhlut sinn í greiðslukortafyrirtækinu Valitor og fara með hlut sinn yfir 50%.

Uppsagnir verða minni en starfsfólkið óttast

Starfsmenn í verksmiðju Bakkavarar í bænum Bourne í Englandi hafa áhyggjur af væntanlegum niðurskurði og telja störf um þrjú hundruð manns í hættu.

FME krefst skýringa á okri í tryggingum

Tryggingafélagið Vörður rukkaði viðskiptavin í síðustu viku um 725.396 krónur fyrir tryggingu á bifhjóli. Gjöldin voru endurskoðuð þegar eigandi hjólsins setti sig í samband við félagið sem lækkaði þá iðgjaldið um rúma hálfa milljón króna.

Virkja verður hugmyndaauðgi starfsfólks fyrirtækja

„Fyrirtæki standa almennt ekki frammi fyrir vandamálum á borð við fjárþurrð eða sjóðstreymi heldur skorti á hugmyndum. Þar sem hugmyndir kvikna ekki, þar er vandamál,“ segir Haraldur U. Diego, einn aðstandenda fundar um mikilvægi sköpunargleði á vinnustöðum sem haldinn var síðastliðinn föstudag. Húsfyllir var á fundinum.

Hafnar því að sjóðurinn hafi brotið lög

Framkvæmdastjóri Almenna lífeyrissjóðsins hafnar því alfarið að sjóðurinn hafi gerst brotlegur við lög með fjárfestingum sínum fyrir hrun. Hann segir mistök að keypt var skuldabréf í þeim tilgangi að Kaupþing og Glitnir héldu velli.

Katrín fundar með orkumálaráðherra Rússlands

Sergey Shmatko, orkumálaráðherra Rússlands, er á leið í opinbera heimsókn til Íslands, ásamt sendinefnd, til fundar við Katrínu Júlíusdóttur iðnaðarráðherra og fulltrúa íslenskra orkufyrirtækja til að ræða frekara tvíhliða samstarf landanna á sviði orkumála. Fundurinn fer fram í iðnaðarráðuneytinu á morgun. Shmatko mun einnig funda með Össuri Skarphéðinssyni utanríkisráðherra. Þetta kemur fram í tilkynningu frá iðnaðarráðuneytinu.

Eva Joly segist ekki hafa spillt Exeter-málinu

Eva Joly, fyrrverandi ráðgjafi sérstaks saksóknara, segist ekki hafa spillt rannsókn embættisins í Exeter-málinu. Lögmaður fyrrverandi forstjóra MP banka segir Joly hafa mælt fyrir um óhefðbundnar rannsóknaraðgerðir í Exeter-málinu og að þær hafi í ýmsum tilvikum leitt til ólögmætra aðgerða við rannsóknina.

Kaupþingsstjórar íhuga að greiða sex milljóna króna sekt

Breska fjármálaeftirlitið hefur boðið fyrrverandi æðstu stjórnendum Kaupþings samstæðunnar sættir vegna hruns Kaupþings. Þetta er fullyrt á vef breska blaðsins Telegraph í kvöld.

Norðmenn leita olíu - Íslendingar eiga 25% rétt

Norsk stjórnvöld hafa ákveðið að verja tvöhundruð milljónum króna til að undirbúa olíuleit við Jan Mayen. Málið gæti haft mikla þýðingu hérlendis í framtíðinni því Íslendingar eiga 25 prósenta nýtingarrétt á olíu Noregsmegin miðlínunnar.

„Við þurfum að komast inn í hausinn á þér“

Starfsmaður Íslandsbanka hefur lagt fram kvörtun til Héraðsdóms Reykjavíkur vegna harðræðis Slitastjórnar Glitnis og sérfræðinga á hennar vegum við skýrslutöku.

Góð staða CCP

Íslenski tölvuleikjaframleiðandinn CCP virðist mala gull, en ársreikningur fyrirtækisins sýnir afar góða stöðu þess. Eiginfjárstaðan er góð í samanburði við skuldir og fyrirtækið bætti við um 100 starfsmönnum á árinu 2009 og áskrifendum fjölgaði, að því er fram kemur í DV. Fyrirtækið skilaði hagnaði upp á nærri 6,2 milljónir dollara, jafnvirði 750 milljónir króna, í fyrra. Björgólfur Thor Björgólfsson fjárfestir er stærsti hluthafinn í CCP með rúmlega 30 prósenta eignarhlut.

Framtíð Byrs tryggð - fær 5 milljarða króna lán frá ríkinu

Slitastjórn Byrs sparisjóðs, fjármálaráðuneytið fyrir hönd ríkissjóðs og Byr hf. hafa náð samkomulagi um uppgjör og eignarhald Byrs hf. en samkomulag þess efnis var undirritað fimmtudaginn 14. október samkvæmt tilkynningu frá bankanum.

Dregur úr bjartsýni fyrirtækjastjórnenda

Erfiðleikar í atvinnulífinu endurspeglast skýrt í mati stjórnenda fyrirtækja á stöðu og horfum í ársfjórðungslegri könnun Capacent meðal 400 stærstu fyrirtækja landsins.

Marel ræðir við alþjóðlega banka um fjármögnun

Marel á í formlegum viðræðum við takmarkaðan fjölda alþjóðlegra banka um fjármögnun fyrirtækisins.

Kortavelta landans erlendis heldur áfram að aukast

Kreditkortavelta landans á erlendri grundu jókst um 16% í september frá fyrri mánuði og nam 4,2 milljörðum kr., en mikill viðsnúningur hefur orðið í kortanotkun landsmanna á erlendri grundu undanfarna mánuði.

Eignir tryggingarfélaga hækkuðu um 2 milljarða milli mánaða

Heildareignir tryggingarfélaganna námu 137 milljörðum kr. í lok ágúst og hækkuðu um rúmlega 2 milljarða kr. á milli mánaða.

Velta debetkorta minnkar um 9,2% milli mánaða

Heildarvelta debetkorta í september var 30,9 milljarðar kr. og er það 1,7% samdráttur miðað við september í fyrra en 9,2% samdráttur miðað við ágúst í ár.

Lítið framboð á nýlegum bílum

Þrátt fyrir að hluti bifreiðaeigenda hafi fengið úrlausn mála með lán sín að undanförnu hefur það ekki aukið viðskiptin hjá bílasölum á höfuðborgarsvæðinu. Viðmælendur Fréttablaðsins segja að þr

Bankinn gjaldfelldi erlent lán

Fyrri eigendur Sigurplasts segja starfsmenn Arion banka hafa dreift óhróðri um þá í fjölmiðla í kjölfar yfirtöku bankans á fyrirtækinu fyrir um hálfum mánuði.

Framleiðslugeta eykst um 50%

Framleiðslugeta verksmiðju Actavis í Hafnarfirði mun aukast um fimmtíu prósent á næstunni.Nú er verið að setja upp ný tæki í stækkaðri verksmiðju og er verðmæti þeirra yfir 200 milljónir króna, að því er fram kemur í tilkynningu.

Fær enn hundruð milljóna fyrir að reka eignir Straums

Novator, félag Björgólfs Thors Björgólfssonar, fær enn hundruð milljóna króna umsýsluþóknun árlega fyrir að reka eignir Straums Burðaráss, sem í slitameðferð.

Forréttindahópurinn sem felldi Ísland

Charles Ferguson leikstjóri heimildamyndarinnar Inside Job sem fjallar um fjármálakreppuna segir í samtali við New York Times að hann hefði vel getað gert mynd um Ísland eitt og sér. Ferguson er gáttaður á því hve miklum skaða mjög fámennur forréttindahópur gat valdið Íslandi. „Þú hefðir getað komið þeim öllum fyrir á veitingahúsi,“ segir Ferguson.

Ráðherra: Kvóti í þorski, ýsu, ufsa, karfa og síld boðinn til leigu

Jón Bjarnason sjávarútvegsráðherra upplýsti á aðalfundi Landssambands smábáteigenda í dag að hann myndi beita sér fyrir því að gefnar yrðu út auknar aflaheimildir í þorski, ýsu, ufsa, karfa og íslenskri sumargotssíld á þessu fiskveiðiári og að kvótarnir yrðu boðnir til leigu gegn sanngjörnu gjaldi, líkt og tíðkaðist nú með skötusel.

GBI vísitalan hækkar áfram

Skuldabréfavísitalan GAMMA: GBI hækkaði um 0,4% í dag í 10,5 milljarða kr. viðskiptum. GAMMAi: Verðtryggt hækkaði um 0,5% í 4,1 milljarðs kr. viðskiptum og GAMMAxi: Óverðtryggt hækkaði um 0,1% í 5,3 milljarða kr. viðskiptum.

Óeðlilegt að ríkið ásælist tekjustofna sveitarfélaga

Halldór Halldórsson, formaður Sambands íslenskra sveitarfélaga segir að það sé óeðlilegt þegar að ríkið ásælist tekjustofna sveitarfélaga.

Dollarinn ekki verið veikari gagnvart krónu í tvö ár

Enn veikist Bandaríkjadollar gagnvart evrunni. Dollarinn kostar nú rétt rúmar 110 kr. og hefur ekki veruið veikari gagnvart krónunni síðan rétt eftir hrunið haustið 2008.

Bókhald Byrs til rannsóknar

Búið er að ráða fjármálarannsóknarteymi frá PricwaterhouseCoopers til að rannsaka bókhald Byrs, en teymið mun gera úttektir á athöfnum og gjörningum fyrrum stjórnenda og stjórnarmanna í Byr sparisjóði.

Deutsche Bank með þrjá menn í stjórn Actavis

Þýski bankinn Deutsche Bank verður með þrjá stjórnarmenn í nýrri stjórn Actavis og Björgólfur Thor Björgólfsson tvo. Þá verða íslensku bankarnir með einn fulltrúa.

Mikill fjörkippur á íbúðamarkaðinum í september

Óvenju mikið var um að vera á íbúðamarkaði í september síðastliðnum miðað við það sem verið hefur verið síðustu misserin. Samtals var 347 kaupsamningum þinglýst í september síðastliðnum sem er aukning um 65% frá fyrri mánuði þegar 211 samningum var þinglýst.

Vísa á bug ummælum Evu Joly og segja þau ærumeiðandi

Geysir Green Energy (GGE) vísar á bug ummælum Evu Joly ráðgjafa sérstaks saksónara þess efnis að sala á hlut félagsins í HS Orku gefi tilefni til sérstakrar sakamálarannsóknar.

Félag í eigu FL Group sakað um aðild að fjársvikum

Fyrrverandi fjármálastjóri bandaríska fasteignafyrirtæksins Bayrock, er í máli við félagið, meðal annars vegna þess að hann telur að það hafi skotið undan láni sem fyrirtæki tengt FL Group veitti því. Um er að ræða 50 milljón dollara lán sem félagið FLG Property, sem var í eigu FL Group veitti Bayrock árið 2007.

Straumur hefur yfirtekið Copenhagen Towers í Örestad

Fjárfestingarsjóðurinn ALMC, áður Straumur, hefur yfirtekið fasteignaverkefnið Copenhagen Towers í Örestad í Kaupmannahöfn. Nafni Straums var breytt í ALMC eftir endurskipulagningu bankans en meðal eigenda sjóðsins auk Straums eru Goldman Sachs, Deutsche Bank og Bayerische Landesbank.

Hafa áhuga á fasteignum bankanna

Innlendir og erlendir fjárfestar hafa áhuga á að kaupa fasteignir sem bankarnir tóku yfir í kringum hrunið og dótturfélög þeirra stýra. Á meðal þess sem er í skoðun er að fjármálafyrirtæki stofni sjóði sem kaupi eignirnar. Fjárfestarnir kaupi hlut í sjóðunum.

Fjölga starfsmönnum hér um 15 prósent

Hjá Actavis starfa rúmlega tíu þúsund manns víða um heim. Þar af voru hér 630 um síðustu áramót. Fyrirtækið hefur á árinu unnið að því að stækka lyfjaverksmiðju sína í Hafnarfirði en við það mun framleiðslugetan hér aukast um helming. Samhliða því var gert ráð fyrir að ráða fimmtíu nýja starfsmenn á árinu.

Tugmilljarða lán Ólafs fæst ekki endurgreitt

Tuttugu og fimm milljarða króna lán sem Egla Invest BV, félag í eigu Ólafs Ólafssonar, fékk að láni frá Glitni og Kaupþingi, verður aldrei greitt til baka. Þetta kemur fram í Viðskiptablaðinu á morgun.

„Fjárhættuspil“ lífeyrissjóða til rannsóknar hjá FME

Grunur leikur á að tveir lífeyrissjóðir hafi brotið lög með viðskiptum með skuldatryggingar á Glitni og Kaupþing og er málið til rannsóknar hjá Fjármálaeftirlitinu. Viðskiptin hafa verið kölluð „glórulaust fjárhættuspil."

Besta ár Actavis - ætla að ráða 60-100 nýja starfsmenn á Íslandi

Claudio Albrecht, forstjóri Actavis, segir að milli sextíu og hundrað nýir starfsmenn verði ráðnir til starfa hjá Actavis á Íslandi á næstunni. Þá segir hann árið 2010 vera besta rekstrarár í sögu fyrirtækisins.

Eva Joly fær engar starfslokagreiðslur

Ólafur Þór Hauksson, sérstakur saksóknari, sagði á blaðamannafundi sem lauk fyrir stundu að Eva Joly, ráðgjafi embættisins, sem hefur nú lokið störfum fái engar sérstakar starfslokagreiðslur. Hún hafi einungis fengið greidd laun fyrir þá daga sem hún hefur starfað fyrir embættið.

SA: Ákvörðun um samruna Arion og BM Vallá jákvæð

Virk samkeppni er mikilvæg við endurreisn atvinnulífsins og því er ákvörðun Samkeppniseftirlitsins vegna yfirtöku Arion banka á B.M. Vallá jákvæð, að mati Samtaka atvinnulífsins (SA). Þar eru sett fram skýr viðmið um hvernig yfirtöku banka á fyrirtækjum skuli háttað þannig að endurskipulagning þeirra geti tekist vel án þess að raska samkeppni eða fyrirtækjum sé alvarlega mismunað.