Sveitar­stjórnar­kosningar 2026

Sveitar­stjórnar­kosningar 2026

Fréttir og greinar tengdar sveitastjórnarkosningum sem fram fara 16. maí 2026.

Fréttamynd

Við­reisn upp fyrir Sjálf­stæðis­flokk og Fram­sókn bætir við sig

Samfylkingin mælist með mest fylgi í Hafnarfirði í nýrri könnun Maskínu, líkt og í síðustu könnun. Það sem vekur hins vegar athygli er að Viðreisn fer upp fyrir Sjálfstæðisflokk og mælist næst stærst flokka. Meirihluti Sjálfstæðisflokks og Framsóknar er kolfallinn þrátt fyrir fylgisaukningu Framsóknar.

Innlent
Fréttamynd

Kosningapallborð frétta­stofu: Glæ­ný skoðana­könnun kynnt fyrir Hafnar­fjörð

Það styttist óðfluga í sveitarstjórnarkosningar þann 16. maí og við höldum áfram að hita upp fyrir stóru stundina. Oddvitar sex framboðslista sem bjóða fram í Hafnarfirði koma saman í kosningapallborði fréttastofu klukkan tvö í dag á Vísi til að ræða helstu málefni sem eru undir í kosningunum. Þá verður ný skoðanankönnun birt um fylgi flokkanna.

Innlent
Fréttamynd

Systkinaforgangur og heimgreiðslur á lista margra fram­boða í Reykja­vík

Margt er líkt í stefnu flokkanna í leikskólamálum. Margir vilja tryggja systkinaforgang og heimgreiðslur og nær allir tala í sinni stefnu um að styrkja dagforeldrakerfið. Margir vilja auka svigrúm fyrirtækja og stofnana til að opna leikskóla. Nokkrir flokkar tala um hvernig á að auka mönnun og einhverjir tilgreina nákvæmlega hversu mörgum plássum á að fjölga á kjörtímabilinu.

Innlent
Fréttamynd

Andar sig reyk­laus í gegnum kosninga­baráttuna

„Það eru komnir átta dagar og ég finn fyrir of­boðs­legu frelsi og er að springa úr monti,“ segir Birna Gunn­laugs­dóttir, menntunar­fræðingur og fram­bjóðandi Sósíalista, sem eftir tæp­lega hálfa öld hefði sjálf­sagt getað valið betri tíma til að hætta að reykja en ætlar að hug­leiða og anda sig í gegnum kosninga­baráttuna.

Lífið
Fréttamynd

Meiri­hluti odd­vita í glæ­nýju hlut­verki

Mikil endurnýjun er á oddvitum framboða á Akureyri og í Fjallabyggð fyrir næstu sveitarstjórnarkosningar en af ellefu oddvitum í sveitarfélaganna eru sjö nýir. Þrír oddvitar eru enn fremur glænýir í sveitarstjórnarmálum í sveitarfélögunum, oddvitar Viðreisnar og L-listans á Akureyri og oddviti Jafnaðarfólks og óháðra í Fjallabyggð. Aðeins Framsókn, Vinstri græn og Miðflokkurinn eru með sömu oddvita og í síðustu sveitarstjórnarkosningum á Akureyri. H-listinn í Fjallabyggð heldur sig einnig við sama mann í forystusæti og síðast.

Innlent
Fréttamynd

Rekstur borgarinnar nei­kvæður um 5,3 milljarða í fyrra

Rekstrarniðurstaða A- og B-hluta ársreiknings Reykjavíkurborgar er jákvæð um átta milljarða króna en niðurstaðan af rekstri A-hluta var neikvæð um ríflega fimm milljarða. Helsta skýring neikvæðrar niðurstöðu er sögð mikil hækkun lífeyrisskuldbindinga auk þess sem mikil verðbólga og óvissa á atvinnumarkaði leiddu til hægari vaxtar útsvarsgreiðslna.

Viðskipti innlent
Fréttamynd

„Mér finnst þetta ákaf­lega dapur­leg fram­ganga“

Oddvitaefni Samhentrar sveitar í Hvalfjarðarsveit segir það ekki tortryggilegt að hann hafi sagt upp sem bæjarstjóri Akraness til að fara í framboð. Hann sé ekki í framboði til að sameina sveitarfélögin eins og mótframbjóðendur hafa gefið í skyn. 

Innlent
Fréttamynd

Jónas upp­lifði pot Ás­dísar ekki sem á­rás

„Ég upp­lifði þetta pot ekki sem mikla árás,“ segir Jónas Már Torfa­son, odd­viti Sam­fylkingarinnar í Kópa­vogi, sem tók ekki eftir því þegar Ás­dís Kristjáns­dóttir, bæjar­stjóri og odd­viti Sjálf­stæðis­flokks, ýtti tvisvar við honum þegar þau tókust á um orðið í heitum um­ræðum á Sprengi­sandi í gær.

Lífið
Fréttamynd

Framíkalli svarað með poti í oddvitarimmu

Hart var á tekist þegar oddvitar Sjálfstæðisflokksins og Samfylkingarinnar í Kópavogi mættu í Sprengisand í morgun. Raunar svo hart að átökin urðu líkamleg, ef svo má segja. Ásdís Kristjánsdóttur bæjarstjóra Kópavogs varð svo um þegar Jónas Már gerði atlögu að orðinu að hún potaði í hann.

Lífið
Fréttamynd

Muni vitan­lega gera kröfu um sæti í meiri­hluta

Oddviti Samfylkingarinnar á Akureyri segist þakklátur fyrir meðbyr sem hann hafi fundið fyrir að undanförnu og segir að verði flokkurinn stærstur að loknum kosningum muni hann eðli málsins samkvæmt gera kröfu um sæti í meirihluta.

Innlent
Fréttamynd

Segir Mið­flokkinn selja snákaolíu

Þorbjörg S. Gunnlaugsdóttir dómsmálaráðherra segir Miðflokkinn selja snákaolíu með loforðum sínum um auknar heimgreiðslur til foreldra. Hún segir heimgreiðslur langtum stærra mál en Miðflokkurinn boði, þær muni til lengri tíma skerða tekjur mun meira en sem nemur ávinningi.

Innlent
Fréttamynd

Sam­fylkingin stærst á Akur­eyri

Samfylkingin yrði stærsti flokkurinn í bæjarstjórn á Akureyri ef gengið yrði til kosninga nú og myndi bæta við sig tveimur bæjarfulltrúum frá því árið 2022. L-listinn mælist með næstmesta fylgið, rúmu prósentustigi minna en listinn fékk í síðustu kosningum. Sjö framboð myndu ná sætum í bæjarstjórn yrði gengið til kosninga nú.

Innlent
Fréttamynd

Ör­væntir ekki yfir fregnum af falli meiri­hlutans

Bæjarstjóri Kópavogs segist ekki örvænta þó ný könnun Maskínu sem gerð var fyrir DV sýni að meirihluti Sjálfstæðismanna og Framsóknarmanna sé fallinn. Hún segist trúa því að Kópavogsbúar vilji áfram sömu forystu, enda mælist flokkurinn mesta fylgið í bænum. Oddvitar flokkanna sem bæta mestu við sig í Kópavogi segjast sáttir með sitt en útiloka ekkert þegar kemur að meirihlutasamstarfi.

Innlent
Fréttamynd

Inni og úti: „Kannanir eru nú bara kannanir“

Oddvitar í borgarstjórnarkosningum sem tæplega munu ná inn í borgarstjórn samkvæmt nýuppfærðri kosningaspá Vísis eru hvergi bangnir og segja enn langan tíma til kosninga. Oddvita Sósíalistaflokksins er spáð sæti í borgarstjórn, eins og staðan er núna.

Innlent
Fréttamynd

Kosningaspá Vísis: Líkur Alberts aukast en Bjarn­veigar dvína

Sjálfstæðisflokkurinn er kominn með ríflega fjögurra prósentustiga forskot á Samfylkinguna í Reykjavík í kosningaspá Vísis. Sjöundi maður hans á nú meiri líkur á að komast inn en sjötti maður Samfylkingar. Líkur sósíalista að ná inn manni hafa aukist en Flokks fólksins dalað.

Innlent
Fréttamynd

Bilið á milli turnanna breikkar

Sjálfstæðisflokkurinn er stærstur í Reykjavíkurborg og eykur forskot sitt á Samfylkinguna. Flokkurinn mælist með ríflega tuttugu og fimm prósenta fylgi í borginni í nýrri könnun Maskínu og hefur farið upp um fjögur prósentustig síðan í mars.

Innlent
Fréttamynd

Drakk ó­vart á­fengi í fyrsta sinn og það undir stýri

Kristinn Jón Ólafsson oddviti Pírata í borgarstjórnarkosningum varð eitt sinn fyrir því óláni að drekka óvart áfengan drykk en Kristinn drekkur ekki áfengi. Óafvitandi keyrði bíl með drykkinn í hendi og skellti sér síðan í útihlaup sem fór ekkert sérstaklega vel.

Lífið
Fréttamynd

„Lygaáróðurs­her­ferð af hálfu pólitískra and­stæðinga“

Ræða Snorra Mássonar, varaformanns Miðflokksins, um regnbogafánann á þingi í síðustu viku hefur vakið sterk viðbrögð. Gagnrýnendur fordæma hann og segja hann hafa svívirt hinsegin samfélagið og regnbogafánann með orðum sínum. Aðrir segja viðbrögðin viðbúin og ofsafengin. Snorri segir snúið úr úr orðum sínum.

Innlent
Fréttamynd

„Ég er ekki stoltur af því hvernig ég lét“

„Þetta byrjaði að þróast hægt og rólega, ég veit ekki hvort ég drekk þetta í mig eða hvort þetta var alltaf þarna og tók sinn tíma,“ segir Rúnar Freyr Gíslason, frambjóðandi Sjálfstæðisflokksins í Reykjavík, í viðtali í hlaðvarpinu Jón Ólafs á spjallinu. 

Lífið
Fréttamynd

Kosningapallborð frétta­stofu: Mun Sjálf­stæðis­flokkurinn halda velli í Garða­bæ?

Það styttist óðfluga í sveitarstjórnarkosningar þann 16. maí og eins og stendur eru þrjár vikur þangað til landsmenn ganga til kosninga. Við höldum áfram að hita upp fyrir stóru stundina og því munu oddvitar þeirra flokka sem bjóða fram í Garðabæ koma saman í kosningapallborði fréttastofu til að ræða þau helstu málefni sem eru undir í kosningunum.

Innlent

Mest lesið