Skroll-Lífið

Fréttamynd

Nýtt Líf velur konu ársins 2010

Tímaritið Nýtt Líf hefur valið Gerplustúlkur konu ársins 2010. Nýtt Líf hefur útnefnt Konu ársins frá árinu 1980 og mynda þær konur, sem hafa hlotið titilinn, fjölbreyttan hóp en þær eiga það allar sameiginlegt að hafa skarað fram úr, hver á sínu sviði. Í rökstuðningi með valinu segir að stúlkurnar, sem eru fimmtán, hafi komið heim með gull um hálsinn eftir þátttöku sína á Evrópumeistaramótinu í hópfimleikum í október síðastliðnum. Mótið sé það stærsta í þessari grein í heiminum. Hópurinn sé flott fyrirmynd, ekki einungis fyrir ungu kynslóðina heldur þjóðina í heild sinni. Hann hafi sýnt fram á einstaka samvinnu og látið drauma sína rætast.

Lífið
Fréttamynd

Ó já það var fagnað eftir frumsýningu Gauragangs

Á meðfylgjandi myndum má sjá aðstandendur myndarinnar Gauragangur fagna saman á Íslenska barnum eftir vel heppnaða frumsýningu. Myndin, sem er í leikstjórn Gunnars B. Guðmundssonar verður tekin til almennra sýninga í kvikmyndahúsum um allt land þann 26. desember. Með hlutverk Orms Óðinssonar fer Alexander Briem og fetar hann þar með í fótspor Ingvars E. Sigurðssonar og Góa.

Lífið
Fréttamynd

Sumum leiddist ekki í EFJ ilmvatnsboðinu

Sigrún Lilja Guðjónsdóttir framkvæmdastjóri Gyðja Collection stóð fyrir stórglæsilegum opnunarviðburði á laugardaginn þegar nýja ilmvatnið sem unnið er úr Eyjafjallajökli, EFJ Eyjafjallajökull by Gyðja, var kynnt í fyrsta sinn og það með látum. Mikil leynd ríkti yfir viðburðinum sem haldinn var á veitingastaðnum Austur. Það var fjölmiðlakonan Friðrika Hjördís Geirsdóttir sem hélt uppi stemningunni í hlutverki veislustjóra.

Lífið
Fréttamynd

Fallega fólkið fílar Baggalút

Jólatónleikar Baggalúts sem fram fóru í Háskólabíó í gærkvöldi eru ómissandi og órjúfanlegur hluti af jólahaldi margra. Hljómsveitin flutti þekkta slagara fyrir troðfullu húsi eins og henni einni er lagið. Gríðarleg fagnaðarlæti brutust út þegar hljómsveitin tók jólalagið Saddur sem er á annarri jólaplötu sveitarinnar Næstu jól en hún er sjálfstætt framhald plötunnar Jól & blíða sem kom út árið 2006. Eins og meðfylgjandi myndir sýna voru tónleikagestir áberandi fríðir og í jólastuði. Baggalútur heldur aukatónleika í Háskólabíó í kvöld.

Lífið
Fréttamynd

Það leiddist engum í þessu jólaglöggi

SkjárEinn bauð til heljarinnar jólaveislu á veitingahúsinu Cafe Oliver - beint á móti Jólaþorpinu á Laugavegi í gærkvöldi. Stöðin bauð gestum og gangandi upp á heitt jólaglögg, kakó og piparkökur. Eins og sjá má á myndunum spjölluðu sjónvarpsstjörnurnarnar Karl Berndsen, Hrefna Rósa, Tobba Marinós og Sölvi Tryggvason við gesti á milli þess sem þær árituðu bækurnar sem þau gefa út fyrir jólin.

Lífið
Fréttamynd

Jólaboð Ásdísar Ránar

Meðfylgjandi myndir voru teknar í jólaboði Ásdísar Ránar á skemmtistaðnum RE-PLAY á Grensásvegi í gærkvöldi. Ásdís Rán áritaði Playboy-blaðið sem hún sat fyrir í ásamt því að kynna nýju snyrtivörulínuna sína og Sigríður Klingenberg spáði fyrir gestum. Eins og sjá má í myndaalbúminu leiddist engum í jólaboðinu þar sem meðal annars var boðið upp á piparkökur. Hér má sjá Ásdísi árita.

Lífið
Fréttamynd

Gaurinn í undirfötunum bar af

Meðfylgjandi myndir voru teknar á tískusýning á vegum Herrafataverslunar Kormáks og Skjaldar þar sem meðal annars var ný fatalína eftir Guðmund Jörundsson sýnd. Fyrirsæturnar voru ekki af verri endanum: Davíð Þór Jónsson tónlistarmaður, Kjartan Sturluson fótboltamaður, Aron Bergmann leikmyndahönnuður, Sigurður Guðmundsson tónlistarmaður, Högni Egilsson tónlistarmaður, Böðvar Guðjónsson formaður körfuknattleiksdeildar KR, Georg Kári Hilmarsson fyrrum sprenjuhallarmeðlimur, Stebbi Stef úr GusGus, Róbert Marshall þingmaður og Guðmundur Steingrímsson þingmaður.

Lífið
Fréttamynd

Sumir eiga bara fræga vini

Eiginkonur Simma og Jóa, Ólína Jóhanna Gísladóttir og Bryndís Björg Einarsdóttir, opnuðu í gær nýja verslun sem ber heitið Kastanía sem er á jarðhæð í glerturninum við Höfðatorg þar sem Hamborgarafabrikka Simma og Jóa er einnig staðsett. Á meðal gesta voru mörg þekkt andlit en burtséð frá því var frábær stemning í opnunininni og ekki voru veitingarnar af verri endanum eins og myndirnar sýna greinilega. http://visir.is/section/MEDIA99&fileid=CLP1063

Lífið
Fréttamynd

Frægir gefa gjafir

„Það væri dásamlegt ef íslenskir listamenn gætu sameinast og allir farið sama dag með fjölda pakka og sett undir tréð og glatt lítil hjörtu sem eiga um sárt að binda á Íslandi," var meðal annars það sem Tobba Marínós rithöfundur sendi á fjöldan allan af athafnafólki og listamönnum sem tóku vel í hugmyndina sem varð að veruleika þegar Egill Einarsson, Hrefna Sætran, Kalli í Baggalút, Ísgerður Gunnarsdóttir, Steindi jr og fleiri hittust í Smáralind og settu gjafir undir jólatréð þar. Skoða má frábæra stemingnu sem ríkti í hópnum í Smáralind í dag í meðfylgjandi myndasafni. Pakkajól ganga eftir sem áður út á að allir sem vettlingi geta haldið gefa eina auka jólagjöf til þeirra sem minna mega sín um jólin. Gjafirnar eru miðaðar sérstaklega fyrir börn og nauðsynlegt er að setja merkispjöld á pakkana og merkja þannig gjöfina dreng eða stúlku og aldri. Eins og áður sagði hefjast pakkajólin þennan fallega laugardag en gestir og gangandi hafa fram eftir desember til þess að lauma pakka undir tréð. Nú skulum við taka höndum saman og gefa börnunum gjafir um jólin.

Lífið
Fréttamynd

Gellur sem borða bara hollt

Meðfylgjandi myndir voru teknar á nýjum veitingastað sem ber heitið Krúska sem er staðsettur á Suðurlandsbraut 12. Staðurinn, sem leggur áherslu á hollan og ferskan mat, er í eigu Móður náttúru sem er matvælafyrirtæki í eigu hjónanna Valentínu Björnsdóttur og Karls Eiríkssonar. Veitingarnar voru hollar og gestir í góðum fíling eins og myndirnar sýna greinilega.

Lífið
Fréttamynd

Konur eiga orðið allan ársins hring

Meðfylgjandi myndir voru teknar í útgáfuhófi bókaforlagsins Sölku sem haldið var í IÐU í gærkvöldi. Tilefnið var útgáfa dagatalsbókarinnar Konur eiga orðið allan ársins hring sem kemur út árlega en í henni eru hugleiðingarnar íslenskra kvenna. Eins og sjá má á myndunum ríkti mikil gleði á meðal kvennanna.

Lífið
Fréttamynd

Sumir eiga bara fallega vini

Útlitsráðgjafinn og sjónvarpsmaðurinn vinsæli Karl Berndsen hélt partý á stofunni sinni Beautybarinn í gærkvöldi af því tilefni að hann sendir nú frá sér sína fyrstu bók sem ber hún heitið VAXI-n - Finndu hvað fer þér best. Bókin hefur að geyma ýmsan fróðleik og gagnlegar upplýsingar sem Karl hefur safnað að sér á sínum fjölbreytilega ferli. Hann leggur ríka áherslu á að sérhver kona finni sinn eigin stíl og klæði sig í samræmi við það hvernig hún er VAXI-n. Á meðfylgjandi myndum má sjá Karl fagna á meðal fallegra vina og vinkvenna sem voru áberandi smart eins og Kalli sjálfur.

Lífið
Fréttamynd

Útgáfuboð Gissurar tenórsöngvara

Meðfylgjandi myndir voru teknar í útgáfuboði Gissurar Páls Gissurarsonar tenórsöngvara sem fram fór í húsgagnaverslun Pennans við Hallarmúla í gærkvöldi. Spurður út í nýju plötuna sem ber heitið Ideale sagði Gissur: „Eftir að hafa búið í sjö ár á Ítalíu og tileinkað mér ítalska menningu fannst mér kominn tími til að kynna hana fyrir Íslendingum. Ég held að það sé ekki of mikið sagt að platan sé ítölsk sól í íslensku skammdegi". Facebooksíða Gissurar.

Lífið
Fréttamynd

Sterkar íslenskar konur í Marie Claire

„Er Ísland besta landið fyrir konur til að búa í?" spyr kvennatímaritið Marie Claire lesendur sína í nóvemberhefti áströlsku útgáfunnar þar sem sérstaklega er fjallað um íslenskar konur. Þar er rætt við Katrínu Jakobsdóttur menntamálaráðherra, Gerði Kristnýju rithöfund og Láru Ómarsdóttur fréttakonu, auk fleiri kjarnakvenna, og ljósi varpað á stöðu kvenna á Íslandi þar sem jafnrétti þykir vera til fyrirmyndar.

Innlent
Fréttamynd

Ekkert venjulegt víbradorapartý

Það hefur vart farið framhjá mörgum að sálfræðingurinn og rithöfundurinn Tracey Cox er stödd hér á landi. Á meðfylgjandi myndum má sjá Tracey ásamt fjölmörgum íslenskum konum sem kynntu sér kynlífstæki og bækur Tracey á veitingahúsinu Sólon í gær.

Lífið
Fréttamynd

Útgáfupartý Tobbu Marínós

Á meðfylgandi myndum má sjá glaða gesti sem mættu í Eymundsson á Skólavörðustíg í gær til að fagna útgáfu bókarinnar Dömusiðir eftir Tobbu Marínós. Gestum var boðið upp á Cosmopolitan-drykki og skemmtilegheit. „Ég hef hug á að skella mér í háa hæla, blása á mér hárið og sturta í mig veigum og láta eins og flón - auðvitað að Dömusið. Það myndi gleðja mitt meikaða hjarta ef þú sæir þér fært að sturta í þig með mér," skrifaði Tobba í boðskortið á viðburðinn.

Lífið
Fréttamynd

Trylltur með klikkað fótaflæði

Í meðfylgjandi myndskeiði segir Stella Rósenkranz frá danska dansaranum Sonny Petersen sem kemur frá Los Angeles til að halda námskeið hér á landi um helgina. „Hér er hip hop. Það gerast ekki tæknilega flóknari dansarnir en þetta í hip hop-i. Stjórnin á líkamanum er ótrúleg og samt svo áreynslulaust," sagði Stella og sýndi okkur myndband með Sonny. Sjá hér (Youtube) „Hér er house dans. Þetta er svo skemmtilegur stíll. Sjúklega erfið fótavinna og maður svitnar endalaust! Það skapast líka geðveik stemmning í þessum tímum, gjörsamlega tryllt," sagði hún. Sjá hér (Youtube). Skráning er í s. 553 0000 í World Class og námskeiðið fer fram í World Class í Laugum.

Lífið
Fréttamynd

Konukvöld í Cosmo

Meðfylgjandi myndir voru teknar á konukvöldi sem haldið var í fataversluninni Cosmo í Kringlunni í gærkvöldi þar sem 400 konur komu saman til að versla og hafa það gaman. Sigríður Klingenberg og Heiðar Jónsson snyrtir skemmtu konunum eins og myndirnar sýna greinilega. Þá fengur allar konur fengu blóm, léttar veitingar, álagasteina, tískuráðgjöf og afslátt aðeins þetta eina kvöld.

Lífið
Fréttamynd

Talandi íslenskur hundur segir „I LOVE YOU"

Sveinn Ásgeir Árnason hárskeri á rakarastofunni Hárbær Laugavegi 168 er eigandi Hjörleifs, 3 ára, sem er hreinræktaður Chihuahua hundur. Það sem merkilegt þykir er að Hjörleifur syngur hástöfum I LOVE YOU með eiganda sínum eins og sjá má í myndskeiðinu. Það var bara núna í sumar sem Hjörleifur byrjaði að syngja. Þá var verið að spila á harmonikku og hann byrjaði allt í einu að syngja," útskýrði Sveinn Ásgeir sem raular með Hjörleifi eins og sjá má.

Lífið
Fréttamynd

Þessum skvísum leiddist ekki

Finlandia Vodka Cup var haldið á NASA á fimmtudaginn síðasta í samstarfi við Barþjónaklúbb Íslands. Um var að ræða stærstu barþjónakeppni sem haldin hefur verið á Íslandi. Fjöldi fólks fylgdist með 43 barþjónum framreiða flotta drykki. Sigurvegarar voru Eyrún Huld Gísladóttir frá Silfur, Hreinn Hjartarson frá Silfur og Daníel Óli Þorláksson frá Veitingarstaðnum LAVA.

Lífið
Fréttamynd

Útgáfupartý Sigríðar Klingenberg

Frábær stemning var í Mál og menningu á Laugaveginum í gærdag þar sem Sigríður Klingenberg kynnti nýju bókina sína Orð eru álög - leiðarvísir að lífsgleði. Sigríður áritaði, las upp úr bókinni og gaf gestum álagasteina sem vöktu mikla lukku nærstaddra.

Lífið
Fréttamynd

Lína Rut, Harpa og Una heiðraðar

Meðfylgjandi myndir voru teknar á svokölluðu Listakvöldi Baileys 2010 sem haldið var í gærkvöldi á Maritime museum í Grandagarði. Þrjár íslenskar listakonur, Lína Rut, Harpa Einarsdóttir og Una Hlín Kristjánsdóttir, sem skarað hafa fram úr og sett mark sitt á tísku og tíðaranda með dugnaði og listrænni sýn undanfarið ár voru heiðraðar.

Lífið
Fréttamynd

Spaugstofan kann sko að halda partý

Meðfylgjandi myndir voru teknar í húsnæði Saga film í gærkvöldi þar sem Spaugstofan fagnaði 25 farsælum starfsferli. Eins og myndirnar sýna greinilega ríkti frábær stemning á meðal Spaugstofumanna, vina og samstarfsfélaga þeirra í gegnum tíðina. Geestir fengu að sjá gamla Spaugstofuþætti sem kitluðu hláturtaugarnar svo sannarlega.

Lífið
Fréttamynd

Konukvöld í Blómaval

Meðfylgjandi myndir voru teknar á árlegu konukvöldi í Blómaval Skútuvogi í gærkvöldi. Hátt í tvö þúsund kátar konur voru saman komnar sem hlýddu meðal annars á Helga Björns söngvara og sáu tískusýningar á fatnaði og skarti fra Volcano, Evuklæðum og Gallerí Dunga. Þá fengu konurnar allar glaðninga.

Lífið
Fréttamynd

Troðfullt á heilsustaðnum Happ

Troðfullt var út úr dyrum af glöðum gestum í opnunarteiti á veitingastaðnum Happ á Höfðatorgi í gærkvöldi. Eigendur staðarins, Þórdís Sigurðardóttir og Lukka Pálsdóttir, buðu gestum upp á dýrindis hollusturétti sem samanstóðu meðal annars af jólamatseðil Happ. Skoða má myndir úr veislunni í meðfylgjandi myndasafni.

Lífið
Fréttamynd

Dísa ljósálfur frumsýnd

Leiksýning fyrir alla fjölskylduna um þjóðkunna sögupersónu, Dísu ljósálf, var frumsýnd í Austurbæ í gær. Meðfylgjandi myndir voru teknar af frumsýningargestum sem skemmtu sér konunglega ef marka má fagnaðarlætin sem brutust út í lok sýningar. Hér má líka sjá þegar leikara, danshöfunda og Gunnar Þórðarson og Páll Baldvin Baldvinsson höfunda verksins hneigja sig eftir frábæra sýningu.

Lífið
Fréttamynd

Útsýnisstofu Björgólfs breytt í skemmtistað

Meðfylgjandi myndir voru teknar þegar nýr bar sem ber heitið New Square var opnaður í gærkvöldi. Fjöldi fólks lagði leið sína á staðinn sem er staðsettur á efstu hæð í strætóhúsinu við Lækjatorg í Hafnarstræti 20 þar sem útsýnisstofa Björgólfs Guðmundssonar var áður. Staðurinn skiptist annarsvegar í veitingastað, sem ber heitið Fun & fine dining og hinsvegar er um að ræða skemmtistað þar sem bestu skífuþeytarar sem fást hverju sinni sjá um tónlistina.

Lífið
Fréttamynd

Bleika boðið

Konukvöldið Bleika boðið var haldið í Háskólanum í Reykjavík, Nauthólsvík, í gærkvöldi á vegum Krabbameinsfélagsins. Eins og meðfylgjandi myndir sýna var gríðarlega góð stemning á meðal kvennanna sem nutu þess að eiga góða kvöldstund saman. Boðið hófst með fordrykk og síðan tók við fjölbreytt dagskrá fram eftir kvöldi.

Lífið
Fréttamynd

Glænýr Vísir opnaður

Nýr og endurbættur Vísir var opnaður formlega á skemmtistaðnum Nasa í kvöld. Margt var um manninn og allir á sama máli að nú er Visir ekki eingöngu sterkur fréttavefur heldur einnig fjölbreyttur afþreyingarmiðill. Mefðylgjandi má sjá myndir af gestum, Ara Eldjárn sem var með uppistand og Ara Edwald forstjóra 365 sem opnaði nýjan Visi formlega.

Lífið
Fréttamynd

50 ára afmæli Sollu Eiríks

Meðfylgjandi myndir voru teknar á veitingahúsinu Gló í gærkvöldi þar sem borðin svignuð undan gómsætum hráfæðiskræsingum þar sem eigandi staðarins, Solla Eiríks, hélt upp á fimmtíu ára afmælið sitt. Við mynduðum nokkra afmælisgesti sem fögnuðu með Sollu sem var klædd í svartan kjól.

Lífið

Mest lesið