Haukur Heiðar í sigurliði gegn Arnóri

AIK hafði betur gegn Norrköping, 1-2, í Íslendingaslag í sænsku úrvalsdeildinni í fótbolta í dag.

Haukur Heiðar Hauksson lék allan leikinn í hægri bakvarðarstöðunni hjá AIK komst með sigrinum upp í 4. sæti deildarinnar en liðið hefur unnið þrjá af síðustu fjórum leikjum sínum.

Mohamed Bangura kom AIK yfir á 23. mínútu og á þeirri 59. jók Henok Goitom muninn í 0-2 með sínu 13. marki á tímabilinu en hann er markahæsti leikmaður deildarinnar.

Linus Wahlqvist minnkaði muninn í 1-2 á 68. mínútu en nær komst Norrköping ekki.

Liðið er í 3. sæti en sigur í dag hefði komið því á toppinn. Arnór Ingvi Traustason lék allan leikinn fyrir Norrköping.