Umfjöllun Bein lýsing Miðstöð Liðin Tölfræði Stöðutafla

Gylfi með fyrir­liða­bandið í lífs­nauð­syn­legum sigri E­ver­ton | Öll úr­slit dagsins

Anton Ingi Leifsson skrifar
Gylfi í leiknum í kvöld.
Gylfi í leiknum í kvöld. vísir/getty
Gylfi Þór Sigurðsson var í byrjunarliði Everton og lék allan leikinn er Everton vann 2-1 sigur á Southampton á útivelli í enska boltanum í dag.

Sigurinn afar mikilvægur fyrir Everton sem hefur gengið afleitlega undanfarið og var í kringum fallsætin er flautað var til leiks í dag.

Hornspyrna Gylfi skilaði marki á fjórðu mínútu. Spyrnan rataði á kollinn á Mason Holgate sem kom boltanum áfram á annan uppaldan Everton-mann, Tom Davies, sem kom boltanum yfir línuna.

Þannig stóðu leikar í hálfleik en á fimmtu mínútu síðari hálfleiks jöfnuðu gestirnir metin. Þar var að verki Danny Ings eftir afleitan varnarleik gestanna frá Liverpool-borg.

Sigurmarkið skoraði hins vegar Brasilíumaðurinn Richarlison, stundarfjórðungi fyrir leikslok eftir frábæra fyrirgjöf Djibril Sidibe. Lokatölur 2-1.







Eftir sigurinn er Everton í 13. sæti deildarinnar með fjórtán stig en vandræði Southampton halda áfram. Þeir eru í 19. sætinu með átta stig.

Burnley rúllaði yfir West Ham á heimavelli. Ashley Barnes, Chris Wood og sjálfsmark Roberto, markvarðar West Ham, tryggðu Burnley sigurinn en Burnley í 9. sætinu eftir sigurinn. West Ham í því sextánda.







Newcastle vann ansi góðan sigur gegn Bournemouth á heimavelli. Harry Wilson kom Bournemouth yfir en DeAndre Yedlin og Ciaran Clark tryggðu Newcastle sigurinn.

Newcastle er komið upp í 11. sæti deildarinnar á meðan Bournemouth er áfram í 7. sætinu.

Öll úrslit dagsins:

Chelsea - Crystal Palace 2-0

Burnley - West Ham 3-0

Newcastle - Bournemouth 2-1

Southampton - Everton 1-2

Tottenham - Sheffield United 1-1

17.30 Leicester - Arsenal

Bein lýsing

Leikirnir

    Sjá alla

    Mest lesið


    Fleiri fréttir

    Sjá meira

    Mest lesið