Fyrir­liðinn á­reitti dómara og mátti ekki spila lokaleikinn

Alsíringar komust áfram í sextán liða úrslit með sigrinum, líkt og Búrkína Fasó sem sigraði Súdan 2-0 og endaði í öðru sæti riðilsins.

Athygli vakti að hvorki fyrirliði né framherji Miðbaugs-Gíneu spilaði leikinn gegn Alsír en þeir voru fyrr í dag dæmdir í bann fyrir ummæli sem þeir létu falla eftir tap gegn Súdan á sunnudag, sem gerði endanlega út af við vonir Gíneumanna um að komast áfram.

Þeir hlutu báðir fjögurra leikja bann fyrir „áreiti og ítrekuð móðgandi ummæli“ gagnvart bæði aðaldómaranum og aðstoðarmönnum hans.

Knattspyrnusamband Miðbaugs-Gíneu var líka sektað um tíu þúsund dollara fyrir framkomu þjálfarateymisins í garð dómara eftir leikinn.