Fréttir

Stormur með tals­verðri rigningu síð­degis í dag

Gular og appelsínugular viðvaranir taka gildi síðdegis í dag þegar næsta lægð gengur yfir landið. Í hugleiðingum veðurfræðings kemur fram að við Suður-Grænland sé alldjúp og víðáttumikil lægð sem stjórni veðrinu hjá okkur í dag. Það verði vaxandi sunnan- og suðaustanátt, hvassviðri eða stormur síðdegis með talsverðri rigningu sunnan- og vestanlands.

Veður 17.10.2026 07:40

Tveir reyndu að flýja lög­reglu á fótum eftir eftir­för

Einn ungur ökumaður var stöðvaður af lögreglu á Suðurlandsvegi eftir að hafa verið mældur á 151 kílómetra hraða. Lögregla sinnti eftirför í Kópavogi og Fossvogi. Ökumennirnir reyndu báðir að flýja á fótum eftir að hafa stöðvað bíla sína. 

Innlent 17.10.2026 07:21

Faðir tveggja nem­enda í skólanum sá sem skaut á­rásar­manninn

Tvö fórnarlamba árásarmanns sem skaut þrjú börn og einn kennara til bana í Oregonríki í Bandaríkjunum í vikunni hafa verið nafngreind. Árásarmaðurinn var hinn sextán ára gamli Griffin J. John II og nú hefur verið greint frá því að hann sé fyrrverandi nemandi í skólanum sem er fyrir börn frá leikskólaaldri og upp í fimmta bekk sem eru með sérþarfir . 

Erlent 17.10.2026 00:05

Varaði við nýju Rúss­landi Pútíns

Vólódímír Selenskí segir að Úkraínumenn eigi rétt á því að verja sig og að hann sé einungis að standa vörð um hagsmuni þjóðarinnar. Er það eftir gagnrýni Donalds Trump í hans garð vegna árása á rússneska olíuvinnsluinnviði. Selenskí varaði líka við því að Vladimír Pútín væri að skapa Rússland sem líktist Norður-Kóreu og að öðrum ríkjum myndi áfram stafa ógn af Rússlandi í framtíðinni.

Erlent 16.10.2026 22:03

Ást­vinir þeirra sem létust í flug­slysinu bíða enn

Meira en vika er liðin síðan tuttugu og fimm létust eftir að flugvél nígeríska flughersins fórst en enn er leitað að braki úr vélinni og leifum hinna látnu. Aðstæður á svæðinu hafa gert björgunarstarfsfólki erfitt fyrir en flugvélin brotlenti í mýrlendi á afskekktu svæði í suðvesturhluta ​Nígeríu. Um borð voru nítján hermenn og sex óbreyttir borgarar.

Erlent 16.10.2026 21:43

„Fylgjumst grannt með fram­vindu mála“

Moskítóflugan virðist ekki láta íslenska vetrarfrostið á sig fá en skordýraáhugamaður í Kjósinni fann flugu í garðinum hjá sér í vikunni. Hann hafði í sumar leitað að lirfum en án árangurs og átt ekki von á því að finna fleiri flugur. Nú bíður hann spenntur eftir því að sjá hvort fleiri stingi upp kollinum.

Innlent 16.10.2026 21:09

Dæmi um að búnar séu til „gervikennitölur“ fyrir börn

Á þriðja tug kvenna kusu að fæða án aðstoðar heilbrigðisstarfsfólks á Íslandi á árunum 2022 til 2025. Formaður Ljósmæðrafélags Íslands telur aukinn fjölda mæðra sem kjósa þessa leið vera tilkominn vegna áhrifa frá Bandaríkjunum þar sem konur þurfa að borga fyrir aðkomu ljósmæðra. Þá hafi hún áhyggjur af ljósmæðrum sem séu settar inn í slíkar aðstæður of seint.

Innlent 16.10.2026 20:03

Hand­tekinn fyrir að ausa fúk­yrðum yfir hóp fólks

Aðstoðar lögreglu var óskað vegna manns sem var með ógnandi tilburði neðst á Skólavörðustíg í gær en hann var að endingu handtekinn. Þá mátti á myndbandi heyra til hans öskra á fólk sem virtist vera að taka hann upp á símana sína.

Innlent 16.10.2026 19:01

Að­gengið gott en gefur ekki upp synjanirnar

Þorgerður Katrín Gunnarsdóttir utanríkisráðherra segir íslenska fjölmiðla hafa afar gott aðgengi að sér. Hvorki kemur þó fram hversu mörgum viðtalsbeiðnum hún hefur hafnað á kjörtímabilinu né hvaða miðlar hafa fengið synjun.

Innlent 16.10.2026 18:00

Tals­maður Trumps rekinn eftir brösug­lega byrjun

Katie Zacharia entist ekki lengi í starfi upplýsingafulltrúa Hvíta hússins en hún hefur verið leyst frá störfum aðeins örfáum dögum eftir að hún steig í pontu á sínum fyrsta blaðamannafundi í vikunni.

Erlent 16.10.2026 17:51

Deilt um sönnunar­gögn og mögu­legan vitorðsmann

Saksóknarar og lögmenn Alex Murdaugh mættust í dómsal í dag í fyrsta sinn frá því í sumar og deildu þeir þar um ný réttarhöld sem til stendur að halda. Rétta á aftur yfir Murdaugh í apríl eftir að dómur hans fyrir að myrða eiginkonu sína og son var felldur úr gildi. Þá eru uppi spurningar um það hvort Murdaugh eigi að hafa notið hjálpar lögregluþjóns við að fela sönnunargögn.

Erlent 16.10.2026 16:47

„Eigum ekki að bíða eftir al­var­legu at­viki“

Skólastjórar í Hafnarfirði vilja takmarka aðgang að skólum og fá fjármagn til öryggisúrbóta. Í Reykjavík hafa einstaklingar eða hópar farið inn í skóla og veist að nemendum eða starfsfólki á síðustu vikum, eins og Vísir greindi frá í vikunni. Kolbrún Magnúsdóttir bæjarfulltrúi segir að ekki eigi að bíða eftir alvarlegu atviki áður en ráðist sé í nauðsynlegar úrbætur í Hafnarfirði.

Innlent 16.10.2026 16:06

Norð­maður í tuttugu ára fangelsi í Bret­landi vegna leigumorðs

Breskur dómstóll dæmdi ungan norskan karlmann í tuttugu ára fangelsi fyrir að hyggja á leigumorð fyrir sænska glæpasamtök á Englandi. Ekki liggur fyrir hvern hann átti að myrða.

Erlent 16.10.2026 15:30

Jafnlaunavottunin af­numin en starfs­fólkinu fækkar ekki

Diljá Mist Einarsdóttir, þingmaður Sjálfstæðisflokksins, gagnrýnir að starfsfólki Jafnréttisstofu hafi ekki fækkað eftir afnám jafnlaunavottunar. Hún segir Viðreisn hafa talað hátt um hagræðingu hjá ríkinu en látið tækifæri til hennar fram hjá sér fara.

Innlent 16.10.2026 15:29

Landtökumenn börðu og rændu ljós­myndara Washington Post

Tugir ísraelskra landtökumanna brenndu ólífutré og réðust á Palestínumenn sem voru að safna ólífum. Þar að auki réðst hópur manna á bandarískan ljósmyndara á vegum Washington Post en þeir börðu hana og rændu. Mennirnir réðust einnig á palestínska samstarfsmenn hennar.

Erlent 16.10.2026 13:47

Halla kjörin fyrsti vara­for­seti ASÍ

Halla Gunnarsdóttir, formaður VR, var kjörin fyrsti varaforseti Alþýðusambands Íslands á 47. þingi sambandsins sem fer fram á Hilton Reykjavík.

Innlent 16.10.2026 13:43

Varar við að bið­raðir í Kefla­vík geti fækkað flug­leiðum

Bogi Nils Bogason, forstjóri Icelandair, varar við því að ófullnægjandi mönnun landamæraeftirlits á Keflavíkurflugvelli geti grafið undan tengiflugi félagsins og leitt til færri áfangastaða og ferða. Fjölmargir farþegar hafi misst af flugi í sumar vegna biðraða.

Innlent 16.10.2026 13:32

Ekki á­stæða til að rýma bankann

Undanfarna daga hefur fyrirtækjum og stofnunum borist óljósar sprengjuhótanir erlendis frá, þar á meðal er Íslandsbanki. Bankinn lét lögregluna vita umsvifalaust og hefur unnið náið með henni að málinu.

Innlent 16.10.2026 13:32

Allt virðist mega ef BDSM-orðið er notað

Landsréttur hefur snúið við dómi héraðsdóms og sýknað mann af ákæru fyrir nauðgun. Konan hlaut margþætta áverka á borð við beinbrot. Talskona Stígamóta kallar eftir endurmenntun í Landsrétti og segir dóminn ótrúleg skilaboð út í samfélagið. Allt virðist mega ef rætt sé um BDSM.

Innlent 16.10.2026 13:00

„At­kvæði gegn Kanada er hættu­leg blekking“

Mark Carney varaði samlanda sína við því í gær að Bandaríkin væru að reyna að sundra Kanada. Markmið þeirra væri að eiga Kanadamenn og bað hann fólk um að greiða atkvæði í atkvæðagreiðslum um mögulegan aðskilnað Alberta-fylkis frá öðrum í Kanada eins og framtíð ríkisins væri í húfi, því það væri nákvæmlega svo.

Erlent 16.10.2026 13:00

„Ég ætla ekki að fara í nein orða­skipti við Jón“

Formaður Viðreisnar segir brotthvarf Jóns úr þingflokknum högg fyrir flokkinn og ríkisstjórnina. Hún telur stöðu sína sterka og óskar honum alls hins besta.

Innlent 16.10.2026 12:11