Erlent

Komu for­sætis­ráðherranum í var vegna sprengju­hótunar

Forsætisráðherra Ástralíu þurfti að yfirgefa ráðherrabústaðinn í Canberra í gærkvöldi eftir að sprengjuhótun barst. Ekkert grunsamlegt fannst í eða við bústaðinn.

Erlent 24.2.2026 11:55

Fjögur ár frá inn­rás Rússa: Sorg sé ekki nógu stórt orð

Óskar Hallgrímsson, blaðamaður og ljósmyndari búsettur í Úkraínu, segir sorg ekki vera nægilega gott orð til að lýsa tilfinningunum sem vakna í dag. Fjögur ár eru síðan innrás Rússa í Úkraínu hófst.

Erlent 24.2.2026 11:09

Ráðast Banda­ríkin á Íran? Segja Trump munu reiða sig á ráð­gjöf Witkoff og Kushner

Ákvörðun Donald Trump Bandaríkjaforseta um að ráðast eða ráðast ekki á Íran mun meðal annars velta á mati Steve Witkoff og Jared Kushner á því hvort Íranir séu viljandi að tefja fyrir samningi um kjarnorkuáætlun landsins.

Erlent 24.2.2026 08:28

Sendi Epstein sænsk kvenleiðtogaefni

Sænsk-bandarísk kaupsýslukona sendi Jeffrey Epstein, bandaríska kynferðisbrotamanninum, myndir af ungum og efnilegum konum sem hún var með í læri. Epstein valdi sér svo konur sem hann vildi hitta.

Erlent 24.2.2026 07:36

Nick Reiner segist sak­laus af því að hafa myrt for­eldra sína

Nick Reiner sagðist í gær saklaus af því að hafa myrt foreldra sína, leikstjórann Rob Reiner og Michele Singer Reiner, þegar hann mætti fyrir dóm í Los Angeles.

Erlent 24.2.2026 07:22

Á­hrif stóraukins geimrusls á loft­hjúpinn ó­þekkt

Leifar af eldflaugum og gervihnöttum sem brenna upp í lofthjúpnum gætu raskað ósónlaginu og jafnvel hversu mikil sólgeislun berst til yfirborðs jarðar. Vísindamenn sem rannsökuðu endurkomu eldflaugar SpaceX hafa áhyggjur af því að þekkingu skorti á áhrifum geimrusls.

Erlent 24.2.2026 07:01

For­sætis­ráð­herra sækir minningar­at­höfn og fundi í Kænu­garði

Kristrún Frostadóttir, forsætisráðherra Íslands, er nú stödd í Kænugarði þar sem hún mun í dag verða viðstödd minningarathafnir vegna þess að fjögur ár eru liðin frá því að Rússar réðust inn í Úkraínu.

Erlent 24.2.2026 06:57

Sam­þykktu Suðureyjargöng og hækkun eftirlaunaaldurs

Lögþing Færeyja samþykkti í kvöld frumvarp landstjórnarinnar um 24 kílómetra löng neðansjávargöng til Suðureyjar með 23 atkvæðum gegn 7 eftir aðra umræðu. Einn sat hjá. Þar með þykir ljóst að þessi langlengstu jarðgöng í sögu Færeyja verða boðin út en þriðja og síðasta umræða er sögð formsatriði. Undirskrift verksamnings er þó háð samþykki þingsins.

Erlent 23.2.2026 22:42

Sendi­herra sem missti stöðuna vegna tengsla við Epstein hand­tekinn

Peter Mandelson, fyrrverandi þingmaður og sendiherra Breta gagnvart Bandaríkjunum, var handtekinn í dag vegna gruns um brot í opinberu starfi. Hann missti sendiherrastöðuna í september eftir að nánara ljósi var varpað á vinskap hans við bandaríska kynferðisafbrotamanninn Jeffrey Epstein.

Erlent 23.2.2026 17:21

Hundruð milljarða í að verja strandir fyrir á­gangi sjávar

Danska ríkisstjórnin ætlar að leggja jafnvirði hátt í þriggja hundraða milljarða íslenskra króna í að verja strandbyggðir landsins fyrir vaxandi ágangi sjávar. Aðgerðirnar eru hluti af aðlögunaráætlun stjórnvalda að loftslagsbreytingum.

Erlent 23.2.2026 13:59

Yngsti for­sætis­ráð­herrann sór em­bættis­eið

Rob Jetten varð yngsti forsætisráðherra í sögu Hollands þegar hann sór embættiseið í dag. Hann stýrir minnihlutastjórn þriggja flokka tæpum fjórum mánuðum eftir þingkosningar þar sem flokkur Jetten vann nauman sigur á fjarhægrimönnum.

Erlent 23.2.2026 10:32

Norð­austan stór­hríð hrellir í­búa austur­strandar Banda­ríkjanna

Mikið vetrarveður gengur nú yfir norðaustuhluta Bandaríkjanna og eru veðurviðvaranir nú í gildi fyrir um sextíu milljónir manna. Rafmagn hefur farið af stórum svæðum í New York og þar og á fleiri svæðum hafa yfirvöld sett á tímabundið ferðabann.

Erlent 23.2.2026 06:56

Segir Trump ekkert botna í því hvers vegna Íranir gefa ekki eftir

Steve Witkoff, sérlegur sendifulltrúi Donald Trump Bandaríkjaforseta, segir forsetann ekkert botna í því hvers vegna Íranir hafa ekki gefið eftir í samningaviðræðum við Bandaríkjamenn, þrátt fyrir þann hernaðarmátt sem Bandaríkin hafa byggt upp á svæðinu á síðastliðnum vikum.

Erlent 23.2.2026 06:27

Hvað er vitað um manninn sem var skotinn við Mar-a Lago?

Maðurinn sem var skotinn til bana við Mar-a-Lago, glæsihýsi Donalds Trumps Bandaríkjaforseta, í dag var 21 árs gamall og hafði nýlega stofnað fyrirtæki sem sérhæfði sig í handteiknuðum listrænum myndum af golfvöllum.

Erlent 22.2.2026 23:53

Ó­fremdar­á­stand eftir and­lát voldugasta fíknaefnabaróns heims

Glæpaforinginn Rubén Nemesio Oseguera, sem var betur þekktur sem El Mencho, lést fyrr í dag eftir að hafa verið skotinn í bardaga við Mexíkóska herinn.

Erlent 22.2.2026 22:32

Rödd þolendanna að drukkna í spillingarmálum og sam­særis­kenningum

Michelle Licata var sextán ára nemandi við Royal Palm Beach High School þegar vinkona hennar sendi henni skilaboð í tíma, skömmu fyrir jól árið 2004. Hún spurði hana hvort hún vildi vinna sér inn auka pening með því að nudda gamla menn. Licata sá fyrir sér að veita mönnum nudd á einhvers konar heilsustofnun eða hjúkrunarheimili og sagði já; hana langaði til að geta gefið öllum í fjölskyldunni sinni smá jólagjöf. Þegar vinkonan sótti Licata einn daginn var áfangastaður þeirra hins vegar hvorki spa eða heimili fyrir aldraða, heldur glæsivilla Jeffrey Epstein við 358 El Brillo Way, á Palm Beach í Flórída.

Erlent 22.2.2026 20:02

Maður skotinn til bana við Mar-a-Lago

Austin Martin, 21 árs gamall karlmaður, var skotinn til bana í Mar-a-Lago, sveitaklúbbi og heimili í eigu Donalds Trumps Bandaríkjaforseta, af fulltrúum lögreglu og Lífvarðarsveit forsetans. Hann var vopnaður og hafði smyglað sér inn fyrir hliðið umhverfis bygginguna.

Erlent 22.2.2026 14:19

Pakistanar gerðu loft­á­rásir í Afgan­istan

Pakistan gerði nokkrar loftárásir á Afganistan í nótt. Að þeirra sögn beindust árásirnar að sjö meintum felustöðum vígamanna á landamærum landanna tveggja. Að minnsta kosti átján létust samkvæmt Talibönunum. 

Erlent 22.2.2026 12:18

Segist ætla senda spítalaskip til Græn­lands

Donald Trump Bandaríkjaforseti hefur tilkynnt á samfélagsmiðli sínum að hann ætli að senda spítalaskip til Grænlands. Dregið hefur úr hótunum hans undanfarnar vikur en forsætisráðherra Danmerkur telur hann enn girnast landið. Hún segist glöð með að búa í landi þar sem jafnt aðgengi er að heilbrigðiskerfinu.

Erlent 22.2.2026 11:24

Íranir mót­mæla á ný

Stúdentar við háskóla víðs vegar um Íran hafa staðið fyrir mótmælum gegn klerkastjórninni í dag. Mótmælin eru þau fyrstu síðan mótmælahrinunni, sem hófst í lok desember og áætlað er að hafi kostað þrjátíu þúsund manns lífið, lauk. 

Erlent 21.2.2026 23:49

Minnst tólf farist í snjó­flóðum á einum mánuði

Að minnsta kosti fimm létu lífið í snjóflóðum sem féllu víða um austurríska sambandslandið Tíról í dag og í gær. Þung snjókoma og sterkir vindar hafa riðið yfir landshlutann undanfarna daga. 

Erlent 21.2.2026 22:26