Áherslubreytingar í Þjóðleikhúsinu

Tinna Gunnlaugsdóttir, sem skipuð hefur verið þjóðleikhússtjóri til næstu fimm ára, segir mikla áskorun fólgna í starfinu. Hún segir að með nýjum leikhússtjóra muni vissulega verða áherslubreytingar.

Tinna er fyrsta konan sem skipuð er þjóðleikhússtjóri. Átján umsóknir bárust um embættið og mælti þjóðleikhúsráð með sex þeirra, þar á meðal Tinnu. Sumir umsækjenda um stöðu þjóðleikhússtjóra hafa gagnrýnt að umsóknarferlið hafi verið of stutt. Tinna telur það hafa verið eðlilegt en segir skoðanir ef til vill skiptar um það hvernig farið hafi verið með umsóknirnar.

Tinna segist hafa sótt um starfið því það hafi verið gríðarleg áskorun. Hún hafi nánast verið alin upp í húsinu því móðir hennar hafi verið leikkona þar frá opnun hússins. Tinna segir leiklist vera sína ástríðu og starf þjóðleikhússtjóra sé starf sem ákaflega spennandi sé að takast á við.  

Tinna segir þetta hafa komið sér gleðilega á óvart en vissulega hafi hún gert sér vonir. Annars hefði hún ekki sótt um.

Tinna, sem meðal annars hefur verið forseti Bandalags íslenskra listamanna frá árinu 1998, segir