Teikningar Sigmunds á 18 milljónir

Ríkið mun greiða Sigmund Jóhannssyni átján milljónir króna fyrir skopteikningar sem birst hafa í Morgunblaðinu síðastliðna hálfa öld. Vefmiðilinn eyjar.net greinir frá þessu. Einnig kemur fram að sett verði á stofn sérstakt Sigmundssafn í Vestmannaeyjum. Áætlað er að Halldór Ásgrímsson, forsætisráðherra og Sigmund tilkynni þetta formlega í morgunverðarboði sem haldið verður fimmtánda desember. Ríkisstjórnin ákvað að kaupa myndirnar í tilefni sextíu ára afmælis lýðveldisins.