Nýr kjarasamningur undirritaður

Félag tónlistarskólakennara og Félag íslenskra hljómlistarmanna og Launanefnd sveitarfélaga undirrituðu nýjan kjarasamning í húsakynnum ríkissáttasemjara um klukkan ellefu í gærkvöldi. Kjarasamningurinn hefur gildistíma til 30. september 2006. Kjarasamningurinn felur í sér ákveðnar launabreytingar og bókanir um sameiginlegar athuganir samningsaðila á hugmyndum um kerfisbreytingar sem nýttar verða við endurskoðunar á kjarasamningi. Samningurinn verður nú borinn undir atkvæði félagsmanna í Félagi tónlistarskólakennara og Félagi íslenskra hljómlistarmanna annars vegar og Launanefndar sveitarfélaga hins vegar í janúarmánuði.