Ekki baula á Peter Crouch

Sven-Göran Eriksson, landsliðsþjálfari Englands, hefur biðlað til stuðningsmanna United um að baula ekki á framherjann Peter Crouch í landsleiknum gegn Argentínu á laugardag.

Crouch er ekki allra og í raun fer það í taugarnar á mörgum stuðningsmönnum enska landsliðsins að hann sé í liðinu en eins og frægt er orðið bauluðu þeir á Crouch í leiknum gegn Pólverjum á dögunum. "Hann mun ekki spila betur ef fólk baular á hann," sagði Eriksson. "Crouch er kannski ekki mesta tæknitröllið í bransanum en hann er mjög, mjög sérstakur. Hann kemur með það í leikinn sem enginn annar kemur með."