Frakkland þarf að bæta sig

Franski knattspyrnusnillingurinn Zinedine Zidane segir að franska landsliðið þurfti að bæta sig mjög mikið til að eiga möguleika á að kljást um heimsmeistaratitilinn í Þýskalandi næsta sumar.

Zidane er meiddur og gat því aðeins horft upp á félaga sína gera markalaust jafntefli í vináttuleik gegn Þýskalandi á laugardag þar sem franska liðið þótti leika heldur illa. "Við erum langt frá okkar besta í augnablikinu," segir Zidane. "Það vantar einhvern neista í okkur og við þurfum að finna hann ef við ætlum okkur að gera eitthvað á HM."