Lífið komið í eðlilegt horf

Leiðin til Súðavíkur var opnuð í gær en hún hafði verið ófær frá því á sunnudag. Barði Ingibjartsson, prestur í Súðavík, segir bæjarlífið vera aftur komið í eðlilegt horf. Byggðin í bænum hafi aldrei verið í neinni hættu enda var hún flutt eftir snjóflóðin árið 1995. Hluti atvinnustarfsemi Súðavíkur er aftur á móti á gamla svæðinu. Barði segir að sjónvarpssendingar hafi ekki náðst og ekkert símasamband hafi verið utan Súðavíkur, aðeins hafi verið hægt að hringja innanbæjar í gegnum fastlínukerfi Símans.