Michelsen og Love jafnir og efstir

Það stefnir í spennandi keppni á lokadegi PGA - stórmeistaramótsins í golfi sem fram fer í New Jersey. Phil Michelson og Davis Love III eru efstir og jafnir á sex höggum undir pari. Micelson lék þriðja hringinn á 72. höggum eða á tveimur höggum yfir pari, en Love gerði betur og kom inná 68. höggum. Thomas Björn frá Danmörku lék hins vegar best á 63 höggum og er samtals á fimm höggum undir pari í þriðja sæti. Tiger Woods lék á 66 höggum og er á pari þegar lokahringurinn hefst í beinni útsendingu á Sýn klukkan sjö í kvöld.