Nakata hæstánægður

Hidetoshi Nakata er genginn til liðs við Bolton frá Fiorentina á eins árs lánssamningi. Hann er viss um að enska úrvalsdeildin hennti honum vel en hann hefur leikið í sjö ár í efstu deild á Ítalíu.  "Ég hef haft áhuga á því að leika á Englandi í nokkur ár og loksins fæ ég nú tækifæri til þess. Bolton er frábært félag. Ég finn fyrir því hversu góðir stuðningsmennirnir eru hérna og líka hversu góður andi er í hópnum. Því miður hef ég ekki séð marga leiki með Bolton en ég veit að árangurinn hefur verið góður síðustu tvö ár og á þessu tímabili mun lið félagsins taka þátt í Evrópukeppninni og það er mikilvægt fyrir mig." Sam Allerdice, knattspyrnustjóri Bolton, var ánægður með að hafa gengið frá félagsskiptum Nakata. "Nakata er góður leikmaður sem á eftir að reynast Bolton vel. Hann er hefur mikil reynslu sem á að hjálpa hópnum á álagstímum."